ಆಂಜನೇಯ ದೇಗುಲ ನಿರ್ಮಾಣಕ್ಕೆ ಜಮೀನು ನೀಡಿದ ಮುಸ್ಲಿಂ ವ್ಯಕ್ತಿ

Team Udayavani, Oct 12, 2022, 8:53 PM IST

ಶಹಜಹಾನ್‌ಪುರ: ಉತ್ತರ ಪ್ರದೇಶದ ಶಹಜಹಾನ್‌ಪುರ ಜಿಲ್ಲೆಯ ಮುಸ್ಲಿಂ ವ್ಯಕ್ತಿಯೊಬ್ಬರು ಹನುಮಂತನ ದೇಗುಲ ನಿರ್ಮಿಸಲು ತಮ್ಮ ಜಮೀನಿನ ಸ್ವಲ್ಪ ಭಾಗವನ್ನು ದೇಣಿಗೆಯಾಗಿ ನೀಡಿದ್ದಾರೆ.

ರಾಷ್ಟ್ರೀಯ ಹೆದ್ದಾರಿ 24ರ ದೆಹಲಿ-ಲಕ್ನೋ ಮಾರ್ಗದ ರಸ್ತೆ ವಿಸ್ತರಣೆ ಯೋಜನೆ ಕೈಗೆತ್ತಿಕೊಳ್ಳಲಾಗಿದೆ. ಆದರೆ ಶಹಜಹಾನ್‌ಪುರ ಜಿಲ್ಲೆಯ ಕಚಿಯಾನಿ ಕೇರಾ ಗ್ರಾಮದ ಹನುಮಂತನ ದೇಗುಲ ರಸ್ತೆ ವಿಸ್ತರಣೆಗೆ ಅಡ್ಡಿಯಾಗಿತ್ತು.

ದೇಗುಲವನ್ನು ಬೇರೆಡೆಗೆ ಸ್ಥಳಾಂತರಿಸಲು ಗ್ರಾಮದ ಬಾಬು ಅಲಿ ಎಂಬುವವರು ತಮ್ಮ ಜಮೀನಿನ ಪೈಕಿ 0.65 ಹೆಕ್ಟೆರ್‌ ಜಾಗವನ್ನು ಶಹಜಹಾನ್‌ಪುರ ಆಡಳಿತಕ್ಕೆ ನೀಡಿದ್ದಾರೆ ಎಂದು ಹೆಚ್ಚುವರಿ ಜಿಲ್ಲಾ ಮ್ಯಾಜಿಸ್ಟ್ರೇಟ್‌ ರಾಮ್‌ಸೇವಕ್‌ ದ್ವಿವೇದಿ ತಿಳಿಸಿದ್ದಾರೆ.