ವಿದ್ಯಾರ್ಥಿನಿಯರ ಮೇಲಿನ ಅತ್ಯಾಚಾರ: 18 ಮಂದಿ ದೋಷಿಗಳು

Team Udayavani, Jan 21, 2020, 1:23 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Use

ಹೊಸದಿಲ್ಲಿ: ಮುಜಾಫ‌ರ್‌ಪುರ ಬಾಲಿಕಾ ಗೃಹದಲ್ಲಿ ವಿದ್ಯಾರ್ಥಿನಿಯರ ಮೇಲಿನ ಅತ್ಯಾಚಾರ ಮತ್ತು ಲೈಂಗಿಕ ಕಿರುಕುಳ ಪ್ರಕರಣ ಸಂಬಂಧ ಬಾಲಿಕಾ ಗೃಹದ ಮಾಲಕ, ಬಿಹಾರ್‌ ಪೀಪಲ್ಸ್‌ ಪಾರ್ಟಿ ಮಾಜಿ ಶಾಸಕ ಬೃಜೇಶ್‌ ಠಾಕೂರ್‌ ಸಹಿತ 18 ಮಂದಿಯನ್ನು ದೋಷಿಗಳು ಎಂದು ದಿಲ್ಲಿ ಕೋರ್ಟ್‌ ಸೋಮವಾರ ತೀರ್ಪು ನೀಡಿದೆ. ಇದೇ 28ರಂದು ಶಿಕ್ಷೆ ನಿಗದಿಗೆ ಸಂಬಂಧಿಸಿದ ವಾದ-ಪ್ರತಿವಾದ ನಡೆಯಲಿದೆ.

ಬಾಲಿಕಾ ಗೃಹದ ಹೆಣ್ಣುಮಕ್ಕಳ ಮೇಲೆ ಸಾಮೂಹಿಕ ಅತ್ಯಾಚಾರ, ಲೈಂಗಿಕ ಹಲ್ಲೆ, ಅಮಲು ಪದಾರ್ಥ ನೀಡಿಕೆ ಸೇರಿ ಹಲವು ಆರೋಪಗಳು ಇವರ ಮೇಲಿದ್ದವು. ಸೋಮವಾರ ತೀರ್ಪು ಹೊರಬೀಳುತ್ತಿದ್ದಂತೆಯೇ ಆಕ್ರೋಶಗೊಂಡ ಒಬ್ಬ ಅಪರಾಧಿ, ‘ನಾನು ಒಬ್ಬ ಹೆಣ್ಣನ್ನೂ ಮುಟ್ಟಿಲ್ಲ, ನಾನು ಆತ್ಮಹತ್ಯೆ ಮಾಡಿಕೊಳ್ಳುತ್ತೇನೆ’ ಎಂದು ಕೂಗಾಡಿದ ಘಟನೆಯೂ ನಡೆಯಿತು.