ಠಾಕ್ರೆ ಭೇಟಿ: ಪ್ರಣವ್‌ ಬಗ್ಗೆ ಸೋನಿಯಾ ಸಿಟ್ಟಾಗಿದ್ದರು

Team Udayavani, Oct 17, 2017, 6:50 AM IST

ಹೊಸದಿಲ್ಲಿ: “ಮಾಜಿ ರಾಷ್ಟ್ರಪತಿ ಪ್ರಣವ್‌ ಮುಖರ್ಜಿ 2012ರ ರಾಷ್ಟóಪತಿ ಚುನಾವಣೆಯಲ್ಲಿ ಸ್ಪರ್ಧಿಸುವುದಕ್ಕೂ ಮೊದಲು ಶಿವಸೇನೆಯ ಅಂದಿನ ಮುಖ್ಯಸ್ಥ ಬಾಳಾ ಠಾಕ್ರೆ ಅವರನ್ನು ಭೇಟಿ ಮಾಡಿದ್ದಕ್ಕೆ ಕಾಂಗ್ರೆಸ್‌ ಅಧ್ಯಕ್ಷೆ ಸೋನಿಯಾ ಗಾಂಧಿ ತೀವ್ರ ಅಸಮಾಧಾನಗೊಂಡಿದ್ದರು’!

ಹಾಗಂಥ ನಾವು ಹೇಳುತ್ತಿಲ್ಲ. ಸ್ವತಃ ಪ್ರಣವ್‌  ಮುಖರ್ಜಿ ಅವರೇ ಇಂಥದ್ದೊಂದು ಸಂಗತಿಯನ್ನು ಆತ್ಮಚರಿತ್ರೆಯಲ್ಲಿ ಬರೆದು ಕೊಂ ಡಿದ್ದಾರೆ. ಆತ್ಮ ಚರಿತ್ರೆಯ ಮೂರನೇ ಭಾಗ ಇದೀಗ ಬಹಿ ರಂಗ ವಾಗಿದ್ದು, ಇದರಲ್ಲಿ ಆ ಸಂದರ್ಭದ ಬಗ್ಗೆ ಪ್ರಣಬ್‌ ವಿವರಿಸಿದ್ದಾರೆ.

ಪ್ರಣಬ್‌ ಚುನಾವಣಾ ಪ್ರಚಾರಕ್ಕೆಂದು ಮಹಾರಾಷ್ಟ್ರಕ್ಕೆ ಹೋದ ಸಂದರ್ಭದಲ್ಲಿ ಬಾಳಾ ಠಾಕ್ರೆ ಅವರನ್ನು ಭೇಟಿ ಮಾಡಿ ಬೆಂಬಲಿಸುವಂತೆ ಮನವಿ ಮಾಡಿಕೊಂಡಿದ್ದರು. ಅಷ್ಟಕ್ಕೂ ಪ್ರಣವ್‌  ಅವರ ಅಜೆಂಡಾ ಇದಾಗಿರಲಿಲ್ಲ. ಕಾಂಗ್ರೆಸ್‌ ಜತೆ ಕೈಜೋಡಿಸಿದ್ದ ಎನ್‌ಸಿಪಿ ಮುಖ್ಯಸ್ಥ ಶರದ್‌ ಪವಾರ್‌ ಅವರು ಠಾಕ್ರೆ ಅವರನ್ನು ಭೇಟಿ ಮಾಡಲೇಬೇಕು ಎಂದು ಒತ್ತಾಯಿಸಿದ್ದರು ಎಂದು ಬರೆದುಕೊಂಡಿದ್ದಾರೆ. ಆತ್ಮಚರಿತ್ರೆಯ ಮೂರನೇ ಭಾಗದಲ್ಲಿ ಪ್ರಣವ್‌  ಅವರು 1996 ರಿಂದ2012ರ ನಡುವಿನ ಅನುಭವಗಳನ್ನು ದಾಖಲಿಸಿದ್ದಾರೆ.