Phone ಕರೆ ಮಾಡಿದವರ ಹೆಸರಿರಲಿ: ಕೇಂದ್ರ ಸರಕಾರಕ್ಕೆ ಟ್ರಾಯ್‌ ಶಿಫಾರಸು

Team Udayavani, Feb 25, 2024, 6:00 AM IST

ಮುಂಬಯಿ: ಅನಪೇಕ್ಷಿತ ಕರೆಗಳನ್ನು ನಿಗ್ರಹಿಸಲು ಮತ್ತು ಅಪೇಕ್ಷಿಸದ ಕರೆಗಳನ್ನು ಪರಿಶೀಲಿಸಲು ಎಲ್ಲ ನೆಟ್‌ವರ್ಕ್‌ ಅಪರೇಟರ್‌ಗಳು ಮೊಬೈಲ್‌ಗ‌ಳಲ್ಲಿ ಕರೆ ಮಾಡಿದವರ ಹೆಸರುಗಳು ಡಿಸ್ಪೇ ಆಗುವ ಸೇವೆಯನ್ನು ಅನುಷ್ಠಾನ ಗೊಳಿಸಬೇಕು ಎಂದು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್‌) ಶಿಫಾರಸು ಮಾಡಿದೆ.

ಇದೇ ವೇಳೆ ಎಲ್ಲ ಸ್ಮಾರ್ಟ್‌ ಫೋನ್‌ ತಯಾರಕರು ನಿಗದಿತ ಅವಧಿಯೊಳಗೆ ಈ ವೈಶಿಷ್ಟವನ್ನು ಕಡ್ಡಾಯವಾಗಿ ಸಕ್ರಿಯಗೊಳಿಸಬೇಕು ಎಂದು ನಿರ್ದೇಶಿಸಿದೆ. ದೇಶದಲ್ಲಿ ಮಾರಾಟ ವಾಗುವ ಎಲ್ಲ ಸ್ಮಾರ್ಟ್‌ ಫೋನ್‌ಗಳಲ್ಲಿ ಕಾಲಿಂಗ್‌ ನೇಮ್‌ ಪ್ರಸೆಂಟೇಶನ್‌(ಸಿಎನ್‌ಎಪಿ) ಸೇವೆ ಹೊಂದಿರಬೇಕು. ಈ ಸೇವೆ ಅನುಷ್ಠಾನಗೊಳಿಸಲು ಕೇಂದ್ರ ಸರಕಾರ ನಿಗದಿತ ಅವಧಿಯ ಮಿತಿಯನ್ನು ಹೇರಬೇಕು. ಭಾರತಾ ದ್ಯಂತ ಎಲ್ಲ ನೆಟ್‌ವರ್ಕ್‌ ಅಪರೇಟರ್‌ಗಳು ಈ ನಿಯಮಗಳನ್ನು ಪಾಲಿಸ ಬೇಕು ಎಂದು ಹೇಳಿರುವ ಟ್ರಾಯ್‌, ಈ ಕುರಿತು ಸರಕಾರಕ್ಕೆ ಶಿಫಾರಸು ಮಾಡಿದೆ.
“ನಮಗೆ ಕರೆ ಮಾಡುತ್ತಿರುವವರು ಯಾರು ಎಂಬುದು ವ್ಯಕ್ತಿಗೆ ತಿಳಿಯಬೇಕು. ಸಾಮಾನ್ಯ ವಾಯ್ಸ ಕಾಲ್‌, ವಾಟ್ಸ್‌ಆಪ್‌ ಕಾಲ್‌, ಫೇಸ್‌ಟೈಮ್‌ ಅಥವಾ ಒಟಿಟಿ ಕಾಲ್‌ ಎಲ್ಲದಕ್ಕೂ ಇದು ಅನ್ವಯವಾಗಬೇಕು’ ಎಂದು ಇತ್ತೀಚೆಗೆ ದೂರಸಂಪರ್ಕ ಸಚಿವ ಅಶ್ವಿ‌ನಿ ವೈಷ್ಣವ್‌ ಹೇಳಿದ್ದರು.