ಯುವಕರನ್ನು ಬೆಂಬಲಿಸಲು ಕಾಂಗ್ರೆಸ್‌ಗೆ ಭಯ: ಮೋದಿ

Team Udayavani, Mar 5, 2024, 11:07 PM IST

ಹೈದರಾಬಾದ್‌/ ಚಂಡಿಖೋಲೆ: ದೇಶದ ಯುವಕರನ್ನು ಬೆಂಬಲಿಸಲು ಕಾಂಗ್ರೆಸ್‌ ಭಯಪಡುತ್ತದೆ. ಹೀಗಾಗಿಯೇ 75-80 ವರ್ಷ ಮೀರಿದವರಿಗೆ ಸ್ಥಾನ ನೀಡುತ್ತಾರೆ ಎಂದು ಪ್ರಧಾನಿ ನರೇಂದ್ರ ಮೋದಿ ಕಾಂಗ್ರೆಸ್‌ ವಿರುದ್ಧ ಮಂಗಳವಾರ ಹರಿಹಾಯ್ದಿದ್ದಾರೆ. ಈ ಮೂಲಕ ಎಐಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಮಲ್ಲಿಕಾರ್ಜುನ ಖರ್ಗೆಯವರನ್ನು ನೇಮಿಸಿದ್ದಕ್ಕೆ ಪರೋಕ್ಷವಾಗಿ ಲೇವಡಿ ಮಾಡಿದ್ದಾರೆ.

ಲೋಕಸಭೆ ಚುನಾವಣೆ ಹಿನ್ನೆಲೆಯಲ್ಲಿ 10 ದಿನಗಳಲ್ಲಿ 12 ರಾಜ್ಯಗಳ ಪ್ರವಾಸ ಆರಂಭಿಸಿರುವ ಪ್ರಧಾನಿ ಮೋದಿ ಅವರು ಬುಧವಾರ ತೆಲಂಗಾಣ ಮತ್ತು ಒಡಿಶಾಗಳಿಗೆ ಭೇಟಿ ನೀಡಿದರು. ಒಡಿಶಾದಲ್ಲಿ 19600 ಕೋಟಿ ರೂ. ಮತ್ತು ತೆಲಂಗಾಣದಲ್ಲಿ 7200 ಕೋಟಿ ರೂ. ಮೌಲ್ಯದ ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದರು.

ಮೋದಿ ವಾಸ್ತವ್ಯ: ಅಸ್ಸಾಂ ಸಿಎಂ
ಮಾ.8ರಂದು ಅಸ್ಸಾಂಗೆ ಭೇಟಿ ನೀಡಲಿರುವ ಪ್ರಧಾನಿ ಮೋದಿ ಕಾಜಿರಂಗ ರಾಷ್ಟ್ರೀಯ ಉದ್ಯಾನವನದಲ್ಲಿ ಉಳಿದುಕೊಳ್ಳಲಿದ್ದಾರೆ ಎಂದು ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಹೇಳಿದ್ದಾರೆ. ಈ ಮೂಲಕ ಕಾಜಿರಂಗದಲ್ಲಿ ಉಳಿದುಕೊಳ್ಳಲಿರುವ ದೇಶದ ಮೊದಲ ಪ್ರಧಾನಿ ಎಂಬ ಖ್ಯಾತಿಗೆ ಅವರು ಪಾತ್ರರಾಗಲಿದ್ದಾರೆ.