ನಾಸ್ಟ್ರಡ್ಯಾಮಸ್‌ ಭವಿಷ್ಯವಾಣಿಯ ಭಾರತೀಯ ನಾಯಕನೇ ಮೋದಿ: ಕಿರಿಟ್‌

Team Udayavani, Mar 20, 2017, 4:46 PM IST

ಹೊಸದಿಲ್ಲಿ : ಹದಿನಾರನೇ ಶತಮಾನದ ವಿಶ್ವ ವಿಖ್ಯಾತ ಫ್ರೆಂಚ್‌ ಭವಿಷ್ಯಕಾರ ಸಂತ ನಾಸ್ಟ್ರಡ್ಯಾಮಸ್‌ ನುಡಿದಿದ್ದ ಭವಿಷ್ಯದಂತೆ ಭಾರತವನ್ನು ಹೊಸ ಎತ್ತರಕ್ಕೆ ಒಯ್ಯುವ ನಾಯಕ ಪ್ರಧಾನಿ ನರೇಂದ್ರ ಮೋದಿಯೇ ಆಗಿದ್ದಾರೆ ಎಂದು ಬಿಜೆಪಿಯ ಲೋಕಸಭಾ ಸಂಸದ ಕಿರಿಟ್‌ ಸೋಮಯ್ಯ ಹೇಳಿದ್ದಾರೆ.

“ಇಪ್ಪತ್ತೂಂದನೇ ಶತಮಾನದಲ್ಲಿ ಪೂರ್ವ ದಿಕ್ಕಿನಲ್ಲಿ ಒಬ್ಬ ನಾಯಕನು ಉದಯಿಸುತ್ತಾನೆ; ಆತನು ಭಾರತವನ್ನು ಹೊಸ ಎತ್ತರಕ್ಕೆ ಒಯ್ಯುತ್ತಾನೆ’ ಎಂದು ಫ್ರೆಂಚ್‌ ಭವಿಷ್ಯಕಾರ ನಾಸ್ಟ್ರಡ್ಯಾಮಸ್‌ ಭವಿಷ್ಯ ನುಡಿದಿದ್ದ. ವಿಶ್ವ ವಿದ್ಯಮಾನಗಳಿಗೆ ಸಂಬಂಧಿಸಿದಂತೆ ನಾಸ್ಟ್ರಡ್ಯಾಮಸ್‌ ನುಡಿದಿದ್ದ ಹಲವಾರು ಭವಿಷ್ಯ ವಾಣಿ ನಿಜವಾಗಿವೆ. ಈ ಪೈಕಿ ಸರ್ವಾಧಿಕಾರಿ ಹಿಟ್ಲರ್‌ನ ಉದಯ, 2001ರಲ್ಲಿ ವಿಶ್ವ ವಾಣಿಜ್ಯ ಕೇಂದ್ರದ ಪತನವೂ ಸೇರಿವೆ. 

ನಾಸ್ಟ್ರಡ್ಯಾಮಸ್‌ ಭಾರತದ ಕುರಿತಾಗಿ ನುಡಿದಿದ್ದ ಭವಿಷ್ಯದಂತೆ ಪ್ರಧಾನಿ ನರೇಂದ್ರ ಮೋದಿಯೇ ಭಾರತವನ್ನು ಉತ್ತುಂಗ ಶಿಖರಕ್ಕೆ ಒಯ್ಯುವ ನಾಯಕ ಎಂಬುದನ್ನು ಈ ಹಿಂದೆ ಕೇಂದ್ರ ಸಹಾಯಕ ಗೃಹ ಸಚಿವ ಕಿರಣ್‌ ರಿಜಿಜು ಸೇರಿದಂತೆ ಹಲವು ಬಿಜೆಪಿ ನಾಯಕರು ಹೇಳಿದ್ದರು.

ರಿಜಿಜು ಅವರು ಭಾರತ ಕುರಿತ ನಾಸ್ಟ್ರಡ್ಯಾಮಸ್‌ ಭವಿಷ್ಯವಾಣಿಯನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದರು.