ಮೋದಿ ನೂತನ ಸಚಿವ ಸಂಪುಟದಲ್ಲಿ ಜೆಡಿಯು ಇಲ್ಲ: ನಿತೀಶ್‌ ಕುಮಾರ್‌

Team Udayavani, May 30, 2019, 7:20 PM IST

ಹೊಸದಿಲ್ಲಿ : ಪ್ರಧಾನಿ ನರೇಂದ್ರ ಮೋದಿ ಅವರ ನೂತನ ಸಚಿವ ಸಂಪುಟದಲ್ಲಿ ತನ್ನ ಜೆಡಿಯು ಪಕ್ಷ ಭಾಗಿಯಾಗಿಲ್ಲ ಎಂಬುದನ್ನು ಬಿಹಾರ ಮುಖ್ಯಮಂತ್ರಿ, ಜೆಡಿಯು ಮುಖ್ಯಸ್ಥ ನಿತೀಶ್‌ ಕುಮಾರ್‌ ದೃಢಪಡಿಸಿದ್ದಾರೆ.

“ಹಾಗಿದ್ದರೂ ನಮ್ಮ ಪಾಲಿಗೆ ಎನ್‌ಡಿಎ ಮೈತ್ರಿಕೂಟದೊಳಗಿನ ಯಾವುದೇ ಸ್ನೇಹ ಬಾಂಧವ್ಯ ನಷ್ಟವಾಗಿಲ್ಲ; ಅಂತೆಯೇ ಬಿಜೆಪಿಯೊಂದಿಗಿನ ಪಕ್ಷದ ಬಾಂಧವ್ಯ ಸದೃಢವಾಗಿಯೇ ಉಳಿದಿದೆ’ ಎಂದು ನಿತೀಶ್‌ ಹೇಳಿದರು.

“ನೂತನ ಸಚಿವ ಸಂಪುಟದಲ್ಲಿ ನಮಗೆ ಕೇವಲ ಹೆಸರಿಗಷ್ಟೇ ಪ್ರತಿನಿಧಿತ್ವವನ್ನು ಕೊಡಲಾಗಿದೆ; ನಾವದನ್ನು ಸ್ವೀಕರಿಸಲು ಸಿದ್ಧರಿಲ್ಲ; ಹಾಗಿದ್ದರೂ ನಾವು ಎನ್‌ಡಿಎ ಮೈತ್ರಿಕೂಟದಲ್ಲಿ ಯಥಾವತ್‌ ಉಳಿದುಕೊಂಡಿದ್ದೇವೆ; ನಮ್ಮಲ್ಲಿ ಯಾವುದೇ ಅಸಮಾದಾನ ಇಲ್ಲ’ ಎಂದು ನಿತೀಶ್‌ ಹೇಳಿದರು.

353 ಸದಸ್ಯ ಬಲದ ಎನ್‌ಡಿಎ ಮೈತ್ರಿಕೂಟದಲ್ಲಿ ಬಿಜೆಪಿ 303 ಸ್ಥಾನಗಳನ್ನು ಹೊಂದಿದೆಯಾದರೆ ನಿತೀಶ್‌ ಅವರ ಜೆಡಿಯು 16 ಸ್ಥಾನಗಳನ್ನು ಹೊಂದಿದೆ.