ಸಾವೊ ಜಾಸಿಂಟೊ ದ್ವೀಪದಲ್ಲಿ ಧ್ವಜಾರೋಹಣಕ್ಕೆ ಸ್ಥಳೀಯರ ವಿರೋಧ

Team Udayavani, Aug 14, 2021, 8:03 PM IST

ಪಣಜಿ: ಇಲ್ಲಿನ ಸಾವೊ ಜಾಸಿಂಟೊ ದ್ವೀಪದಲ್ಲಿ ಧ್ವಜಾರೋಹಣಕ್ಕೆ ಸ್ಥಳೀಯರು ವಿರೋಧ ವ್ಯಕ್ತಪಡಿಸಿದ ಘಟನೆ ಇಂದು ನಡೆದಿದೆ.

ನೌಕಾದಳವು 75 ನೇ ಸ್ವಾತಂತ್ರ್ಯೋತ್ಸವ ನಿಮಿತ್ತ ಆಚರಿಸಲಾಗುತ್ತಿರುವ ಆಜಾದಿ ಕೆ ಅಮೃತ ಮಹೋತ್ಸವ ಕಾರ್ಯಕ್ರಮದಡಿ  ಆಗಸ್ಟ್ 13 ರಿಂದ 15 ರವರೆಗೆ ದೇಶದಲ್ಲಿನ ವಿವಿಧ ದ್ವೀಪಗಳಲ್ಲಿ ಧ್ವಜಾರೋಹಣ ನಡೆಸಲು ಕಾರ್ಯಕ್ರಮ ಹಮ್ಮಿಕೊಂಡಿದೆ. ಆದರೆ, ಗೋವಾದ ಸಾವೊ ಜಾಸಿಂಟೊ ಐಲ್ಯಾಂಡಿನಲ್ಲಿ ಧ್ವಜಾರೋಹಣಕ್ಕೆ ಸ್ಥಳೀಯರು ವಿರೋಧ ವ್ಯಕ್ತ ಪಡಿಸಿದರು.

ನೌಕಾದಳವು ಈ ದ್ವೀಪವನ್ನು ಬಂದ್ ಮಾಡಲಿದೆ ಎಂದು ಸ್ಥಳೀಯರು ತಪ್ಪು ತಿಳಿದುಕೊಂಡಿದ್ದರಿಂದ ಧ್ವಜಾರೋಹಣಕ್ಕೆ ವಿರೋಧ ವ್ಯಕ್ತಪಡಿಸಿದ್ದರು. ಆದರೆ, ಇಂದು ಸ್ಥಳಕ್ಕೆ ಆಗಮಿಸಿದ ಅಧಿಕಾರಿಗಳು ನಿಜ ಸಂಗತಿಯನ್ನು ಸ್ಥಳೀಯರ ಗಮನಕ್ಕೆ ತಂದು ಧ್ವಜಾರೋಹಣ ನಡೆಸಿದರು. ನಾಳೆ ಕೂಡ (ಆ.15) ಇಲ್ಲಿ ಧ್ವಜಾರೋಹಣ ನಡೆಯಲಿದೆ.