NCB ಕಾರ್ಯಾಚರಣೆ; 2000 ಕೋ.ರೂ.ಮೌಲ್ಯದ ಡ್ರಗ್ಸ್‌ ಕಳ್ಳ ಸಾಗಣೆ: ನಿರ್ಮಾಪಕ ಸೆರೆ

Team Udayavani, Mar 10, 2024, 6:12 AM IST

ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಮಟ್ಟ­ದಲ್ಲಿ 2000 ಕೋಟಿ ರೂ.ಮೌಲ್ಯದ ಮಾದಕವಸ್ತು ಕಳ್ಳಸಾಗಣೆ ಮಾಡಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ತಮಿಳು­ನಾಡಿನ ಆಡಳಿತಾರೂಢ ಡಿಎಂಕೆ ಉಚ್ಚಾಟಿತ ಮುಖಂಡ ಹಾಗೂ ಸಿನಿಮಾ ನಿರ್ಮಾಪಕ ಜಾಫ‌ರ್‌ ಸಾದಿಕ್‌ನನ್ನು ಬಂಧಿಸಿರುವು­ದಾಗಿ ಮಾದಕವಸ್ತು ನಿಯಂತ್ರಣ ಬ್ಯೂರೋ (ಎನ್‌ಸಿಬಿ) ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.

ಭಾರತ, ಆಸ್ಟ್ರೇಲಿಯಾ, ನ್ಯೂಜಿ­ಲ್ಯಾಂಡ್‌ಗಳ ವರೆಗೆ ಹಬ್ಬಿರುವ ಈ ಮಾದಕವಸ್ತು ಜಾಲಕ್ಕೆ ಸಾದಿಕ್‌ ರೂವಾರಿ ಹಾಗೂ ಕಿಂಗ್‌ಪಿನ್‌ ಆಗಿದ್ದಾ ನೆಂದು ಎನ್‌ಸಿಬಿ ಅಧಿಕಾರಿಗಳು ತಿಳಿಸಿದ್ದಾರೆ. ಆತನನ್ನು ದಿಲ್ಲಿಯಲ್ಲಿ ಬಂಧಿಸಿರುವುದಾಗಿ ಎನ್‌ಸಿಬಿ ಉಪ ಮಹಾನಿರ್ದೇಶಕ ಜ್ಞಾನೇಶ್ವರ್‌ ಸಿಂಗ್‌ ತಿಳಿಸಿದ್ದಾರೆ.

ಡಿಎಂಕೆಯ ಎನ್‌ಆರ್‌ಐ ವಿಭಾಗದ ಉಪ ಸಂಘಟಕ ಹುದ್ದೆಯಲ್ಲಿದ್ದ ಸಾದಿಕ್‌ ತಮಿಳು ಸಿನಿಮಾಗಳ ನಿರ್ಮಾಪಕನಾಗಿದ್ದಾನೆ. ಡ್ರಗ್ಸ್‌ ಕಳ್ಳ ಸಾಗಣೆ ಪ್ರಕರಣದಲ್ಲಿ ಆತನ ಹೆಸರು ಕೇಳಿ ಬಂದ ಹಿನ್ನೆಲೆಯಲ್ಲಿ ಪಕ್ಷದಿಂದ ಉಚ್ಚಾಟಿಸಲಾಗಿತ್ತು. ಈ ಬಗ್ಗೆ ಬಿಜೆಪಿ, ಡಿಎಂಕೆ ನಡುವೆ ವಾಗ್ವಾದವೂ ನಡೆದಿತ್ತು ಎನ್ನಲಾಗಿದೆ.