ನ.16ರೊಳಗೆ 2ನೇ ಸುತ್ತಿನ ಕೌನ್ಸೆಲಿಂಗ್‌ ಪೂರ್ಣಗೊಳಿಸಿ: ಸುಪ್ರೀಂ ಕೋರ್ಟ್‌ ಸೂಚನೆ 

Team Udayavani, Nov 11, 2022, 10:15 PM IST

ನವದೆಹಲಿ: 2022-23ರ ನೀಟ್‌-ಪಿಜಿ ಮೆಡಿಕಲ್‌ ಕೋರ್ಸ್‌ ಪ್ರವೇಶಕ್ಕಿರುವ ಎರಡನೇ ಸುತ್ತಿನ ಕೌನ್ಸೆಲಿಂಗ್‌ ಅನ್ನು ನ.16ರೊಳಗೆ ಪೂರ್ಣಗೊಳಿಸಿ, ಅದೇ ದಿನ ವೈದ್ಯಕೀಯ ಕೌನ್ಸೆಲಿಂಗ್‌ ಸಮಿತಿಗೆ ಅದರ ಮಾಹಿತಿ ಸಲ್ಲಿಸುವಂತೆ ಎಲ್ಲಾ ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಸುಪ್ರೀಂ ಕೋರ್ಟ್‌ ಶುಕ್ರವಾರ ಸೂಚಿಸಿದೆ.

ರಾಜ್ಯಗಳು ಮತ್ತು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಎರಡನೇ ಸುತ್ತಿನ ಕೌನ್ಸೆಲಿಂಗ್‌ ಪೂರ್ಣಗೊಳಿಸಿದ ನಂತರ ಉಳಿಕೆ ಸೀಟ್‌ಗಳಿಗಾಗಿ ಕೇಂದ್ರ ಸರ್ಕಾರವು ನೀಟ್‌-ಪಿಜಿ ಅಂತಿಮ ಹಂತದ ಕೌನ್ಸೆಲಿಂಗ್‌ ಮುಂದುವರಿಸಬಹುದು ಎಂದು ಸಿಜೆಐ ಡಿ.ವೈ.ಚಂದ್ರಚೂಡ್‌ ಮತ್ತು ನ್ಯಾ. ಹಿಮಾ ಕೊಹ್ಲಿ ಅವರನ್ನೊಳಗೊಂಡ ನ್ಯಾಯಪೀಠ ಹೇಳಿದೆ.

ಆಲ್‌ ಇಂಡಿಯಾ ಕೋಟಾದ ಅಂತಿಮ ಹಂತದ ಕೌನ್ಸೆಲಿಂಗ್‌ ಮುಗಿದ ನಂತರವಷ್ಟೇ ಮಹಾರಾಷ್ಟ್ರವು ತನ್ನ ರಾಜ್ಯ ಕೋಟಾದ ಅಂತಿಮ ಹಂತದ ಕೌನ್ಸೆಲಿಂಗ್‌ ಪ್ರಾರಂಭಿಸಬಹುದು ಎಂದೂ ಸೂಚಿಸಿದೆ.