ರಾಜ್ಯದಲ್ಲಿ ಸತತ ಎರಡನೇ ದಿನವೂ 40 ಸಾವಿರ ಗಡಿ ದಾಟಿದ ಕೋವಿಡ್ ಕೇಸ್

Team Udayavani, May 1, 2021, 7:55 PM IST

ಬೆಂಗಳೂರು: ರಾಜ್ಯದಲ್ಲಿ ಸತತ ಎರಡನೇ ದಿನವೂ ಕೋವಿಡ್ ಪ್ರಕರಣಗಳ ಸಂಖ್ಯೆ 40 ಸಾವಿರ ಗಡಿ ದಾಟಿದೆ.

ಶನಿವಾರ ಸಂಜೆ ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ಅಂಕಿ-ಅಂಶಗಳ ಪ್ರಕಾರ ಕಳೆದ 24 ಗಂಟೆಗಳ ಅವಧಿಯಲ್ಲಿ ( ದಿನಾಂಕ: 30.04.2021, 00:00 ರಿಂದ 23:59 ರವರೆಗೆ) ಬರೋಬ್ಬರಿ 40990 ಹೊಸ ಪ್ರಕರಣಗಳು ದಾಖಲಾಗಿವೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆ 405068ಕ್ಕೆ ಏರಿಕೆಯಾಗಿದೆ.

ಇನ್ನು ಕಳೆದ 24 ಗಂಟೆಗಳ ಅವಧಿಯಲ್ಲಿ ಕೋವಿಡ್ ಸೋಂಕಿಗೆ ಬಲಿಯಾದವರ ಸಂಖ್ಯೆಯೂ ಹೆಚ್ಚಾಗಿದೆ. ವರದಿಗಳ ಪ್ರಕಾರ 271 ಜನರು ಕೋವಿಡ್ ಮಹಾಮಾರಿಯಿಂದ ಸಾವನ್ನಪ್ಪಿದ್ದಾರೆ. ಇಂದಿನವರೆಗೆ ಕೋವಿಡ್ ಸೋಂಕಿನಿಂದ ಮೃತ ಪಟ್ಟವರ ಸಂಖ್ಯೆ 15794ಕ್ಕೆ ತಲುಪಿದೆ.

ಜಿಲ್ಲಾವಾರು ಪ್ರಕರಣಗಳ ಸಂಖ್ಯೆ:

ಬಾಗಲಕೋಟೆ-319, ಬಳ್ಲಾರಿ-1163, ಬೆಳಗಾವಿ-532, ಬೆಂಗಳೂರು ಗ್ರಾಮಾಂತರ-940, ಬೆಂಗಳೂರು ನಗರ-19353, ಬೀದರ್-360, ಚಾಮರಾಜನಗರ-548, ಚಿಕ್ಕಬಳ್ಳಾಪುರ-820, ಚಿಕ್ಕಮಗಳೂರು-500, ಚಿತ್ರದುರ್ಗ-103, ದಕ್ಷಿಣ ಕನ್ನಡ-933, ದಾವಣಗೆರೆ-386, ಧಾರವಾಡ-540, ಗದಗ-205, ಹಾಸನ-790, ಹಾವೇರಿ-168, ಕಲಬುರಗಿ-1407, ಕೊಡಗು-590, ಕೋಲಾರ-440, ಕೊಪ್ಪಳ-1019, ಮಂಡ್ಯ-1235, ಮೈಸೂರು-2529, ರಾಯಚೂರು-601, ರಾಮನಗರ-577, ಶಿವಮೊಗ್ಗ-661, ತುಮಕೂರು-2308, ಉಡುಪಿ-670, ಉತ್ತರ ಕನ್ನಡ-687, ವಿಜಯಪುರ-340, ಯಾದಗಿರಿ-266.