ಮದುವೆ ನಡೆಯುತ್ತಿದ್ದ ವೇಳೆಯೇ ಕುಸಿದು ಬಿದ್ದ ಮಂಟಪ : 9 ಸಾವು

Team Udayavani, Apr 29, 2017, 11:23 AM IST

ಜೈಪುರ : ಮದುವೆ ನಡೆಯುತ್ತಿದ್ದಂತೆಯೇ ಮದುವೆ ಮಂಟಪದ ಗೋಪುರ ಭಾಗ ಕುಸಿದು ಬಿದ್ದ ಅವಘಡದಲ್ಲಿ ಕನಿಷ್ಠ 9 ಮಂದಿ ಮೃತಪಟ್ಟು ಇತರ 15 ಮಂದಿ ಗಾಯಗೊಂಡ ಘಟನೆ ರಾಜಸ್ಥಾನದ ಭರತ್‌ಪುರ ಜಿಲ್ಲೆಯಲ್ಲಿ ನಿನ್ನೆ ಶುಕ್ರವಾರ ತಡರಾತ್ರಿ ನಡೆದಿದೆ.

ಮದುವೆ ಮಂಟಪದಲ್ಲಿ ಭಾತ್‌ ವಿಧ್ಯುಕ್ತ ಕಾರ್ಯಕ್ರಮ ನಡೆಯುತ್ತಿದ್ದಾಗ ಮದುವೆ ಮಂಟಪದ ಗೋಪುರ ಕುಸಿಯಿತು. ಈ ದುರ್ಘ‌ಟನೆ ಭರತ್‌ಪುರ ಜಿಲ್ಲೆಯ ಪಿಢಿ ಗ್ರಾಮದ ಕುಮೆØàರ್‌ ಪೊಲೀಸ್‌ ಠಾಣೆ ವ್ಯಾಪ್ತಿ ಪ್ರದೇಶದಲ್ಲಿ ನಡೆಯಿತು. 

ಘಟನೆ ನಡೆದಾಗ ಹಲವಾರು ಮಂದಿ ಮದುವೆ ಮಂಟಪದಲ್ಲಿ ಕುಳಿತಿದ್ದರು. ಇದ್ದಕ್ಕಿದ್ದಂತೆಯೇ ಮದುವೆ ಮಂಟಪದ ಗೋಪುರ ರಚನೆ ಕುಸಿದು ಬಿತ್ತು. ಹಲವರು ಅದರಡಿ ಸಿಲುಕಿದರು ಎಂದು ಭರತ್‌ಪುರ ಗ್ರಾಮಾಂತರ ಸಹಾಯಕ ಎಸ್‌ಪಿ ಧರ್ಮೇಂದ್ರ ಸಿಂಗ್‌ ತಿಳಿಸಿದ್ದಾರೆ. 

ಗಾಯಾಳುಗಳನ್ನು ಒಡನೆಯೇ ಸಮೀಪದ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಅವರಲ್ಲಿ ಕೆಲವರು ಅದಾಗಲೇ ಮೃತಪಟ್ಟಿರುವುದಾಗಿ ವೈದ್ಯರು ಪ್ರಕಟಿಸಿದರು. ಬದುಕುಳಿದ ಗಾಯಾಳುಗಳಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.

ಮೃತಪಟ್ಟ 15 ಮಂದಿಯಲ್ಲಿ ಎಂಟು ಮಂದಿ ಮಹಿಳೆಯರಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ.