ರಾಹುಲ್‌ ಗಾಂಧಿಯಿಂದ ಈಗ ‘scamster’s escape formula’

Team Udayavani, Feb 16, 2018, 3:44 PM IST

ಹೊಸದಿಲ್ಲಿ : ಬಿಲಿಯಾಧಿಪತಿ ಜ್ಯುವೆಲ್ಲರ್‌ ನೀರವ್‌ ಮೋದಿ ಶಾಮೀಲಾಗಿರುವ ಪಂಜಾಬ್‌ ನ್ಯಾಶನಲ್‌ ಬ್ಯಾಂಕ್‌ ಬಹುಕೋಟಿ ವಂಚನೆ ಹಗರಣದಲ್ಲಿ ಗೈಡ್‌ ಟು ಲೂಟಿಂಗ್‌ ಇಂಡಿಯಾ ಸಾದರ ಪಡಿಸಿದ ಬಳಿಕ, ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಗುರಿ ಇರಿಸಿ ‘scamster’s escape formula’ ಬಹಿರಂಗಪಡಿಸಿದ್ದಾರೆ.

ಈ ಬಗ್ಗೆ ಟ್ವೀಟ್‌ ಮಾಡಿರುವ ರಾಹುಲ್‌ ಗಾಂಧಿ, ಐಪಿಎಲ್‌ ಸ್ಥಾಪಕ ಲಲಿತ್‌ ಮೋದಿ ಮತ್ತು ನೀರವ್‌ ಮೋದಿ ತಮ್ಮ ಹಗರಣಗಳು ಬೆಳಕಿಗೆ ಬರುತ್ತಲೇ ಭಾರತದಿಂದ ಪಲಾಯನ ಮಾಡಿದ್ದಾರೆ ಎಂದು ಹೇಳಿದ್ದಾರೆ. 

ಇದನ್ನು ಸ್ವಾರಸ್ಯಕರವಾಗಿ ವರ್ಣಿಸಿರುವ ರಾಹುಲ್‌, ಲ (ಮೋ) (ಲಲಿತ್‌ ಮೋದಿ), ನಿ (ಮೋ) (ನೀರವ್‌ ಮೋದಿ), ನ (ಮೋ) (ನರೇಂದ್ರ ಮೋದಿ) ಯನ್ನು ಭೇಟಿಯಾದುದರ ಪರಿಣಾಮ ಭಾ(ಗೋ) (ಪಲಾಯನ ಮಾಡು) ಎಂಬುದನ್ನು  ಹ್ಯಾಶ್‌ಟ್ಯಾಗ್‌ ಮೋದಿ ರಾಬ್ಸ್ ಇಂಡಿಯಾ ಜತೆಗೆ Tweet ಮಾಡಿದ್ದಾರೆ. 

ಐಪಿಎಲ್‌ ಭ್ರಷ್ಟಾಚಾರ ಬೆಳಕಿಗೆ ಬಂದಂದಿನಿಂದ ಅಂದರೆ 2010ರಿಂದ ಲಲಿತ್‌ ಮೋದಿ ಇಂಗ್ಲಂಡ್‌ನ‌ಲ್ಲಿ ದೇಶಭ್ರಷ್ಟ ಜೀವನ ನಡೆಸುತ್ತಿದ್ದಾರೆ. ನೀರವ್‌ ಮೋದಿ, ಪಿಎನ್‌ಬಿ ಬಹುಕೋಟಿ ಹಗರಣದಲ್ಲಿ ಜಾರಿ ನಿರ್ದೇಶನಾಲಯದ ಕಾರ್ಯಾಚರಣೆ ಆರಂಭವಾಗುವ ಒಂದು ತಿಂಗಳ ಮುನ್ನವೇ, ಈ ವರ್ಷ ಜನವರಿ 1ರಂದೇ ವಿದೇಶಕ್ಕೆ ಪಲಾಯನ ಮಾಡಿದ್ದಾರೆ.