ಸದ್ಯಕ್ಕೆ ಎಂಜಿನಿಯರಿಂಗ್‌ಗೆ ನೀಟ್‌ ಮಾದರಿ ಪರೀಕ್ಷೆ ಇಲ್ಲ

Team Udayavani, Apr 29, 2017, 1:48 AM IST

ಹೊಸದಿಲ್ಲಿ: ವೈದ್ಯಕೀಯ ಕೋರ್ಸ್‌ಗಳಿಗೆ ಏಕರೂಪದ ಪ್ರವೇಶ ಪರೀಕ್ಷೆ (ನೀಟ್‌) ನಿಗದಿ ಮಾಡಿಧಿದಂತೆ, ಇಡೀ ದೇಶದಲ್ಲೇ ಏಕರೂಪದ ಎಂಜಿನಿಯರಿಂಗ್‌ ಪ್ರವೇಶ ಪರೀಕ್ಷೆಗಳನ್ನೂ ನಡೆಸುವ ಯೋಜನೆಗೆ ಮಾನವ ಸಂಪನ್ಮೂಲ ಸಚಿವಾಲಯ ಸದ್ಯ ಅಲ್ಪ ವಿರಾಮ ಹಾಕಿದೆ. ಈ ಯೋಜನೆಗೆ ಎಲ್ಲಾ ರಾಜ್ಯಗಳ ಒಮ್ಮತ ಮೂಡುವವರೆಗೂ ತಡೆ ಹಿಡಿಯಲು ಸಚಿವಾಲಯ ನಿರ್ಧರಿಸಿದೆ.

ದೇಶದಲ್ಲಿ ತಾಂತ್ರಿಕ ಶಿಕ್ಷಣ ನಿಯಂತ್ರಿಸುವ ಮಂಡಳಿ ಅಖೀಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ 2018ರ ಶೈಕ್ಷಣಿಕ ವರ್ಷದಿಂದ ಎಂಜಿನಿಯರಿಂಗ್‌ ಪ್ರವೇಶಕ್ಕೆ ದೇಶಾದ್ಯಂತ ಒಂದೇ ಪ್ರವೇಶ ಪರೀಕ್ಷೆ ನಡೆಸುವುದಾಗಿ ಹೇಳಿತ್ತು. ಆದರೆ ಈ ನಡೆಯನ್ನು ತ.ನಾಡು, ಪ. ಬಂಗಾಳ ಸರಕಾರಗಳು ವಿರೋಸಿದ್ದವು. ಇದರಿಂದಾಗಿ ರಾಜ್ಯ ಸರಕಾರಗಳನ್ನೂ ಪರಿಗಣನೆಗೆ ತೆಗೆದುಕೊಳ್ಳಲು ನಾವು ನಿರ್ಧರಿಸಿದ್ದೇವೆ. ಏಕರೂಕಪ ಕೌನ್ಸೆಲಿಂಗ್‌ ಅನ್ನೂ ಏರ್ಪಡಿಸಲು ಚಿಂತಿಸಿದ್ದೇವೆ ಎಂದಿದ್ದಾರೆ ಅಧಿಕಾರಿಗಳು.