ಆಧಾರ್‌ ಲಿಂಕ್‌ ಆಗದಿದ್ದರೆ ಎಲ್‌ಪಿಜಿ ಸಿಗಲ್ಲ?

Team Udayavani, Jan 28, 2018, 10:31 AM IST

ಚೆನ್ನೈ: ಅಡುಗೆ ಅನಿಲ ಸಂಪರ್ಕ ವ್ಯವಸ್ಥೆಗೆ ಆಧಾರ್‌ ಲಿಂಕ್‌ ಮಾಡಿಲ್ಲವೇ? ಹಾಗಿದ್ದರೆ ರೀಫಿಲ್‌ ಸಿಲಿಂಡರ್‌ ಸಿಗಲಾರದು. ಹೀಗೆಂದು ಇಂಡಿಯನ್‌ ಆಯಿಲ್‌ ಕಾರ್ಪೋರೇಷನ್‌ (ಐಓಸಿ) ಚೆನ್ನೈನಲ್ಲಿರುವ ತನ್ನ ಗ್ರಾಹಕರಿಗೆ ತಿಳಿಸಿದೆ.

ಲಿಂಕ್‌ ಮಾಡಲು ಮಾ.31ರ ಗಡುವು ವಿಧಿಸಲಾಗಿದ್ದರೂ, ಐಒಸಿ ಗ್ರಾಹಕರಿಗೆ ಈ ರೀತಿಯ ಸೂಚನೆ ನೀಡುತ್ತಿದೆ. 2017ರ ಡಿ.31ರ ಒಳಗಾಗಿ ಈ ಹಿಂದೆ ಲಿಂಕ್‌ಗೆ ದಿನ ನಿಗದಿ ಮಾಡಲಾಗಿತ್ತು. ಆ ದಿನದ ಒಳಗಾಗಿ ಲಿಂಕ್‌ ಮಾಡದೇ ಇದ್ದವರಿಗೆ ಅಡುಗೆ ಅನಿಲ ಸಿಲಿಂಡರ್‌ ನೀಡಲಾಗುತ್ತಿಲ್ಲ. ಈ ಬೆಳವಣಿಗೆ ಬಗ್ಗೆ ಪ್ರತಿಕ್ರಿಯೆ ನೀಡಿದ ಐಓಸಿ,ಆಧಾರ್‌ ಲಿಂಕ್‌ ಮಾಡದೇ ಇರುವರಿಗೆ ಸಿಲಿಂಡರ್‌ ನೀಡದೆ ಇರುವ ಬಗ್ಗೆ ಯಾವುದೇ ನಿರ್ಧಾರ ಕೈಗೊಳ್ಳಲಾಗಿಲ್ಲ. ಆದರೆ ನಿಗದಿತ ಅಡುಗೆ ಅನಿಲ ವಿತರಕರು  ಕೆವೈಸಿ ಮಾಹಿತಿ ತಾಳೆಯಾಗದಿದ್ದಲ್ಲಿ ಪೂರೈಕೆ ಸ್ಥಗಿತ ಮಾಡಬಹುದು ಎಂದಿದೆ.