ಸದ್ಯಕ್ಕೆ ಹೊಸ ವಿದ್ಯುತ್‌ ವಾಹನ ಬಿಡುಗಡೆ ಬೇಡ

Team Udayavani, Apr 29, 2022, 8:30 AM IST

ಹೊಸದಿಲ್ಲಿ: ಸರ್ಕಾರದ ಮುಂದಿನ ಆದೇಶದ ವರೆಗೆ ಯಾವುದೇ ಹೊಸ ಎಲೆಕ್ಟ್ರಿಕ್‌ ದ್ವಿಚಕ್ರ ವಾಹನ ಬಿಡುಗಡೆ ಮಾಡದಂತೆ ಎಲ್ಲ ಎಲೆಕ್ಟ್ರಿಕ್‌ ವಾಹನ ಉತ್ಪಾದನಾ ಕಂಪನಿಗಳಿಗೆ ಕೇಂದ್ರ ಸರ್ಕಾರ ಸರ್ಕಾರ ಸೂಚಿಸಿದೆ.

ದೇಶದ ಹಲವು ಭಾಗಗಳಲ್ಲಿ ವಿದ್ಯುತ್‌ ಚಾಲಿತ ವಾಹನಗಳು ಸ್ಫೋಟಗೊಂಡು, ಬೆಂಕಿ ಹತ್ತಿಕೊಂಡಿರುವ ಪ್ರಕರಣ ಬೆಳಕಿಗೆ ಬಂದಿರುವ ಹಿನ್ನೆಲೆಯಲ್ಲಿ ಸರ್ಕಾರದಿಂದ ಸೂಚನೆ ರವಾನೆಯಾಗಿದೆ.

ಇತ್ತೀಚೆಗೆ ಎಲ್ಲ ಎಲೆಕ್ಟ್ರಿಕ್‌ ವಾಹನ ತಯಾರಕ ಸಂಸ್ಥೆಗಳೊಂದಿಗೆ ಸಭೆ ನಡೆಸಿರುವ ರಾಷ್ಟ್ರ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ಈ ಸೂಚನೆ ನೀಡಿದೆ. ಬೆಂಕಿಗೆ ಕಾರಣ ಮತ್ತು ಅದನ್ನು ತಡೆಯುವ ನಿಟ್ಟಿನಲ್ಲಿ ಕಂಪನಿಗಳು ತೆಗೆದುಕೊಂಡಿರುವ ಕ್ರಮದ ಬಗ್ಗೆ ವರದಿ ಒಪ್ಪಿಸುವವರೆಗೂ ಹೊಸ ಇ-ಸ್ಕೂಟರ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಬಾರದು ಎಂದು ತಿಳಿಸಲಾಗಿದೆ. ಹಾಗೆಯೇ ಬೆಂಕಿಗೆ ಆಹುತಿಯಾಗಿರುವ ಇ-ಸ್ಕೂಟರ್‌ಗಳ ಬ್ಯಾಚ್‌ನ ಎಲ್ಲ ಇ-ಸ್ಕೂಟರ್‌ಗಳನ್ನು ವಾಪಸು ಪಡೆಯಲು ಸಂಸ್ಥೆಗಳಿಗೆ ಸೂಚಿಸಲಾಗಿದೆ.