ರಾಜಕೀಯದ ಪ್ರಶ್ನೆ ಬೇಡ ಪ್ಲೀಸ್‌: ರಜನೀಕಾಂತ್‌

Team Udayavani, May 19, 2017, 10:59 AM IST

ಚೆನ್ನೈ: ಸೂಪರ್‌ಸ್ಟಾರ್‌ ರಜನಿಕಾಂತ್‌ ರಾಜಕೀಯಕ್ಕೆ ಬರಲಿದ್ದಾರೆ ಎಂಬ ವದಂತಿ ಮುಗಿಲು ಮುಟ್ಟಿರುವಾಗಲೇ, “ದಯಧಿವಿಟ್ಟು ರಾಜಕೀಯಕ್ಕೆ ಸಂಬಂಧಿಸಿದ ಪ್ರಶ್ನೆಗಳನ್ನು ಕೇಳಬೇಡಿ’ ಎಂದು ಅವರು ಮನವಿ ಮಾಡಿಕೊಂಡಿದ್ದಾರೆ.

ರಾಜಕೀಯ ಪ್ರವೇಶಕ್ಕೆ ಸಂಬಂಧಿಸಿ ಸುದ್ದಿಗಾರರು ಗುರುವಾರ ರಜನಿಯನ್ನು ಪ್ರಶ್ನಿಸುತ್ತಿದ್ದಂತೆ ಉತ್ತರಿಸಲು ನಿರಾಕರಿಸಿದ ಅವರು, “ರಾಜಕೀಯದ ಪ್ರಶ್ನೆಗಳನ್ನು ಕೇಳಬೇಡಿ. ಬದಲಾಗಿ ಅಭಿಮಾನಿಗಳ ಬಗ್ಗೆ ಕೇಳಿ’ ಎಂದಿದ್ದಾರೆ‌. “ಹೋಗಲಿ ನಿಮ್ಮ ಅಭಿಮಾನಿಗಳಿಗೆ ಯಾವ ಸಂದೇಶ ಕೊಟ್ಟಿದ್ದೀರಿ’ ಎಂಬ ಪ್ರಶ್ನೆಗೆ, “ನಿಮ್ಮ ಕುಟಂಬವನ್ನು ಚೆನ್ನಾಗಿ ನೋಡಿಕೊಳ್ಳಿ. ಸಿಗರೇಟ್‌, ಮದ್ಯಪಾನ ಸೇರಿ ಎಲ್ಲ ದುಶ್ಚಟಗಳಿಂದ ದೂರವಿರಿ’ ಎಂದು ಕಿವಿಮಾತು ಹೇಳಿದ್ದೇನೆ. 

ನನ್ನ ಜೀವನ ದೇವರ ಕೈಯಲ್ಲಿದೆ. ಅವರ ಆಣತಿಯಂತೆ ನಾನು ಕೆಲಸ ಮಾಡುತ್ತೇನೆ. ಒಂದು ವೇಳೆ ನಾನು ರಾಜಕೀಯಕ್ಕೆ ಬರದೇ ಹೋದಲ್ಲಿ ನಿರಾಶರಾಗಬೇಡಿ ಎಂದು ಅಭಿಮಾನಿಗಳಿಗೆ ಭರವಸೆಯ ಮಾತುಗಳನ್ನು ರಜನಿ ಹೇಳಿದ್ದಾರೆ. ರಜನಿ ರಾಜಕೀಯಕ್ಕೆ ಬಂದರೆ ಅದನ್ನು ಮುಕ್ತ ಮನಸ್ಸಿನಿಂದ ಸ್ವಾಗತಿಸು ವುದಾಗಿ ಬಿಜೆಪಿಯ ಹಲವ‌ರು ಹೇಳುತ್ತಲೇ ಬಂದಿದ್ದಾರೆ.