By Election: ಹಿಮಾಚಲ ಪ್ರದೇಶ ಉಪ ಚುನಾವಣೆ ಮತದಾರರ ಮಧ್ಯದ ಬೆರಳಿಗೆ ಶಾಯಿ

Team Udayavani, Jun 19, 2024, 10:42 PM IST

ಶಿಮ್ಲಾ: ಹಿಮಾಚಲ ಪ್ರದೇಶದಲ್ಲಿ ಜು. 10ರಂದು 3 ವಿಧಾನಸಭೆ ಕ್ಷೇತ್ರಗಳಿಗೆ ಉಪ ಚುನಾವಣೆ ನಡೆಯಲಿದ್ದು, ಚುನಾವಣೆ ದಿನದಂದು ಮತದಾರರ ತೋರು ಬೆರಳು ಬದಲು, ಮಧ್ಯದ ಬೆರಳಿಗೆ ಶಾಯಿ ಹಾಕಲು ಚುನಾವಣೆ ಆಯೋಗ ನಿರ್ಧರಿಸಿದೆ.

ಇತ್ತೀಚೆಗೆ ಲೋಕಸಭೆ ಚುನಾವಣೆ ಮುಗಿದಿದ್ದು, ಅಂದು ಮತದಾರರ ಬೆರಳಿಗೆ ಹಾಕಿದ ಶಾಯಿ ಇನ್ನೂ ಮಾಸಿರುವುದಿಲ್ಲ. ಹಾಗಾಗಿ ಡೆಹ್ರಾ, ಹಮೀರ್‌ಪುರ್‌ ಹಾಗೂ ನಾಲಾಗಢ್‌ ವಿಧಾನಸಭೆ ಕ್ಷೇತ್ರದ ಉಪ ಚುನಾವಣೆಯಲ್ಲಿ ಮತದಾರರಿಗೆ ಎಡಗೈನ ತೋರು ಬೆರಳು ಬದಲು ಮಧ್ಯದ ಬೆರಳಿಗೆ ಶಾಯಿ ಹಾಕಲಾಗುವುದು ಎಂದು ಹಿಮಾಚಲ ಪ್ರದೇಶ ಮುಖ್ಯ ಚುನಾವಣಾಧಿಕಾರಿ ಮನೀಷ್‌ ಗರ್ಗ್‌ ತಿಳಿಸಿದ್ದಾರೆ. ಯಾವುದೇ ಚುನಾವಣೆ ನಡೆದ ನಂತರ ಎರಡು ತಿಂಗಳ ಅವಧಿಯಲ್ಲಿ ಮತ್ತೂಂದು ಚುನಾವಣೆ ನಿಗದಿಯಾದರೆ, ಆಗ ಮತದಾರರಿಗೆ ಮಧ್ಯದ ಬೆರಳಿನ ಮೇಲೆ ಶಾಯಿ ಹಾಕಲಾಗುತ್ತದೆ.

ಇದನ್ನೂ ಓದಿ: Congress ಉಪ ಚುನಾವಣೆಗೆ ಸಜ್ಜಾದ ಕಾಂಗ್ರೆಸ್‌: 4 ಕ್ಷೇತ್ರಗಳಿಗೆ ವೀಕ್ಷಕರ ಪಡೆ ನೇಮಕ