ಸದ್ಯಕ್ಕಂತೂ ರೈಲು ಸೇವೆ ಸಹಜ ಸ್ಥಿತಿಗಿಲ್ಲ!

Team Udayavani, Dec 18, 2020, 10:47 PM IST

ಸಾಂದರ್ಭಿಕ ಚಿತ್ರ

ಹೊಸದಿಲ್ಲಿ: ಲಾಕ್‌ಡೌನ್‌ ತೆರವಾದ ಬಳಿಕ ಬಹುತೇಕ ಎಲ್ಲ ಚಟುವಟಿಕೆಗಳೂ ಕೊರೊನಾಪೂರ್ವದಂತೆ ಪುನಾರಂಭಗೊಂಡಿವೆ. ಜತೆಗೆ, ಸೋಂಕಿನ ವ್ಯಾಪಿಸುವಿಕೆಯೂ ತಗ್ಗಿದೆ. ಆದರೆ, ರೈಲುಗಳ ಸಂಚಾರ ಯಾವಾಗ ಹಿಂದಿನಂತೆ ಸಹಜ ಸ್ಥಿತಿಗೆ ಬರಲಿದೆ?

ಈ ಪ್ರಶ್ನೆಗೆ ರೈಲ್ವೆ ಮಂಡಳಿ ಮುಖ್ಯಸ್ಥರು ವಿ.ಕೆ. ಯಾದವ್‌ “ಗೊತ್ತಿಲ್ಲ’ ಎಂದು ಉತ್ತರಿಸಿದ್ದಾರೆ. ಕೊರೊನಾಪೂರ್ವದಂತೆ ರೈಲು ಸಂಚಾರ ಪುನಾರಂಭವಾಗುವ ನಿರ್ದಿಷ್ಟ ದಿನಾಂಕ ನೀಡಲು ಸಾಧ್ಯ ವಿಲ್ಲ. ವಿವಿಧ ರಾಜ್ಯಗಳೊಂದಿಗೆ ಮಾತುಕತೆ ನಡೆಯುತ್ತಿದೆ. ಒಪ್ಪಿಗೆ ದೊರೆತ ಕೂಡಲೇ ಸೇವೆ ಆರಂಭವಾಗುತ್ತದೆ ಎಂದಿದ್ದಾರೆ.

ವಿಮಾನ ಪ್ರಯಾಣಿಕರ ಸಂಖ್ಯೆ ಇಳಿಕೆ: ನವೆಂಬರ್‌ ತಿಂಗಳಲ್ಲಿ ಒಟ್ಟಾರೆ 634.54 ಲಕ್ಷ ದೇಶೀಯ ಪ್ರಯಾಣಿಕರು ವಿಮಾನಗಳಲ್ಲಿ ಸಂಚರಿಸಿದ್ದು, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಇದು ಶೇ.51 ಕಡಿಮೆ ಎಂದು ಡಿಜಿಸಿಎ ತಿಳಿಸಿದೆ.