ನ.17: ಭಾರತದ ಮೊದಲ ಇಂಜಿನ್‌ ರಹಿತ ರೈಲಿನ ಪ್ರಾಯೋಗಿಕ ಓಡಾಟ

Team Udayavani, Nov 16, 2018, 4:32 PM IST

ಹೊಸದಿಲ್ಲಿ : ದೇಶೀಯವಾಗಿ ನಿರ್ಮಿಸಲ್ಪಟ್ಟಿರುವ, ಸೆಮಿ ಹೈ ಸ್ಪೀಡ್‌, ಇಂಟರ್‌ ಸಿಟಿ ಟ್ರಾವೆಲ್‌ ಮತ್ತು ಟ್ರೈನ್‌ 18 ಎಂಬ ಸಂಕೇತ ನಾಮ ಹೊಂದಿರುವ ದೇಶದ ಮೊತ್ತ ಮೊದಲ ಇಂಜಿನ್‌ ರಹಿತ ರೈಲಿನ ಪ್ರಥಮ ಪ್ರಾಯೋಗಿ ಓಡಾಟ ನಾಳೆ ಶನಿವಾರ ಬರೇಲಿ-ಮೊರಾದಾಬಾದ್‌ ಸೆಕ್ಷನ್‌ನ ಸ್ಟಾಂಡರ್ಡ್‌ ರೈಲ್ವೇ ಟ್ರ್ಯಾಕ್‌ ನಲ್ಲಿ ನಡೆಯಲಿದೆ.

ಇಂಜಿನ್‌ ರಹಿತ ರೈಲಿನ ಪ್ರಾಯೋಗಿಕ ಓಡಾಟದ ಉಸ್ತುವಾರಿಗಾಗಿ ರೀಸರ್ಚ್‌ ಡಿಸೈನ್ಸ್‌ ಆ್ಯಂಡ್‌ ಸ್ಟಾಂಡರ್ಡ್‌ ಆರ್ಗನೈಸೇವನ್‌ (ಆರ್‌ಡಿಎಸಓ) ತಂಡ ಈಗಾಗಲೇ ಮೊರಾದಾಬಾದ್‌ಗೆ ಆಗಮಿಸಿದೆ. 

ಕಳೆದ ಅ.29ರಂದು ರೈಲ್ವೇ ಮಂಡಳಿ ಅಧ್ಯಕ್ಷ ಅಶ್ವನಿ ಲೊಹಾನಿ ಅವರು ನೂರು ಕೋಟಿ ರೂ. ವೆಚ್ಚದಲ್ಲಿ  ದೇಶೀಯವಾಗಿ ನಿರ್ಮಿತವಾಗಿರುವ, ಇಂಧನ ಮಿತವ್ಯಯದ, ಇಂಜಿನ್‌ ರಹಿತ,  ಸ್ವಯಂ ಚಾಲಿತ ರೈಲಿಗೆ ಚೆನ್ನೈನಲ್ಲಿ ಹಸಿರು ನಿಶಾನೆ ತೋರಲಾಗಿತ್ತು.