Viral Video: ಒಡಿಶಾದಲ್ಲಿ ಮೊದಲ ಎಐ ಆ್ಯಂಕರ್‌ !

Team Udayavani, Jul 11, 2023, 7:25 AM IST

ಭುವನೇಶ್ವರ: ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನವು( ಎಐ) ಮನುಷ್ಯರ ಕೆಲಸ ಕಸಿಯುತ್ತಿದೆ ಎನ್ನುವ ವಾದಗಳ ನಡುವಯೇ ಒಡಿಶಾದ ಸುದ್ದಿ ವಾಹಿನಿ ಎಐ ಆಧಾರಿತ ನಿರೂಪಕಿಯನ್ನು ಪರಿಚಯಿಸಿದೆ.

ಕೈಮಗ್ಗ ಸೀರೆಯನ್ನು ಧರಿಸಿರುವಂತೆ ರೂಪಿಸಲಾಗಿರುವ ಕೃತಕ ಮಹಿಳೆಯನ್ನು ಸಂಸ್ಥೆ ಲೀಸಾ ಎಂದು ಹೆಸರಿಸಿದೆ.

ಹೊಸ ಮಾದರಿಯ ನಿರೂಪಕಿ ಒಡಿಯಾ ಮತ್ತು ಇಂಗ್ಲಿಷ್‌ನಲ್ಲಿ ಸುದ್ದಿ ನಿರೂಪಣೆ ಮಾಡುತ್ತಾರೆ.

ಒಡಿಯಾ ಟೆಲಿವಿಷನ್‌ ಪತ್ರಿಕೋದ್ಯಮಕ್ಕೆ ಎಐ ಆಧಾರಿತ ನಿರೂಪಕಿಯನ್ನು ತನ್ನ ಮೊದಲ ಉಡುಗೊರೆಯಾಗಿ ನೀಡಿರುವ ಸಂಭ್ರಮವನ್ನು ಸಂಸ್ಥೆ ಹಂಚಿಕೊಂಡಿದೆ.

Meet Lisa, OTV and Odisha’s first AI news anchor set to revolutionize TV Broadcasting & Journalism#AIAnchorLisa #Lisa #Odisha #OTVNews #OTVAnchorLisa pic.twitter.com/NDm9ZAz8YW

— OTV (@otvnews) July 9, 2023

ಸಮಾರಂಭವೊಂದರಲ್ಲಿ ಲೀಸಾಳನ್ನು ಪರಿಚಯಿಸಲಾಗಿದೆ. ಸದ್ಯಕ್ಕೆ ರಾಜ್ಯಕ್ಕೆ ಅಗತ್ಯವಿರುವಂತೆ ಸುದ್ದಿ ನಿರೂಪಣೆ ತರಬೇತಿ ನೀಡಿದ್ದೇವೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ವೃತ್ತಿಪರಗೊಳಿಸಲಾಗುವುದು ಎಂದು ಸಂಸ್ಥೆ ಹೇಳಿದೆ.