Odisha;ರೇ*ಪ್‌ ಸಂತ್ರಸ್ತೆಯ ದೂರು ಸ್ವೀಕಾರಕ್ಕೆ ನಕಾರ: ಪೊಲೀಸರಿಗೆ ವಿಪಕ್ಷ ಚಾಟಿ

Team Udayavani, Nov 11, 2024, 6:17 AM IST

ಕಟಕ್‌: 19 ವರ್ಷದ ಯುವತಿಯ ಮೇಲೆ ಅತ್ಯಾಚಾರ ವೆಸಗಿ ಕೃತ್ಯವನ್ನು ಚಿತ್ರೀಕರಿಸಿಕೊಂಡಿದ್ದ ಆರೋ ಪದಡಿ ಓರ್ವ ಅಪ್ರಾಪ್ತ ಸೇರಿದಂತೆ 6 ಆರೋಪಿಗಳನ್ನು ಒಡಿಶಾ ಪೊಲೀಸರು ಬಂಧಿಸಿದ್ದಾರೆ. ಪ್ರಕರಣಕ್ಕೆ ಸಂಬಂಧಿ ಸಿದಂತೆ ಇನ್ನೂ ಒಬ್ಬನನ್ನು ಬಂಧಿಸಬೇಕಾಗಿದ್ದು, ಅತನಿಗಾಗಿ ಶೋಧ ಕಾರ್ಯ ನಡೆಸಲಾಗುತ್ತಿದೆ.

ಸಂತ್ರಸ್ತೆಯು ತನ್ನ ಜತೆ ಕಳೆದಿದ್ದ ಖಾಸಗಿ ಕ್ಷಣಗಳನ್ನು ಸೆರೆಹಿಡಿದಿದ್ದ ಆಕೆಯ ಸ್ನೇಹಿತ ಮತ್ತು ಇತರ ಆರೋ ಪಿಗಳು ಈ ವೀಡಿಯೋ ವೈರಲ್‌ ಮಾಡುವುದಾಗಿ ಬೆದರಿಸಿ ಆಕೆಯ ಮೇಲೆ ಹಲವು ಬಾರಿ ಅತ್ಯಾಚಾರ ಎಸಗಿದ್ದಾರೆ. ಸದ್ಯ ಈ ಪ್ರಕರಣ ರಾಜಕೀಯ ಕೆಸರೆರಚಾಟಕ್ಕೆ ಕಾರಣವಾಗಿದೆ. ಅತ್ಯಾಚಾರ ದೂರು ಸ್ವೀಕರಿಸಲು 3 ಪೊಲೀಸ್‌ ಠಾಣೆಗಳು ನಿರಾಕರಿಸಿದ್ದವು. ನವೀನ್‌ ಪಟ್ನಾಯಕ್‌ ಅವರ ಅವಧಿಯಲ್ಲಿ ಇಂತಹ ಪರಿಸ್ಥಿತಿಯಿರಲಿಲ್ಲ ಎಂದು ವಿಪಕ್ಷಗಳು ಟೀಕಿಸಿವೆ.