Kidnapped: ಹಾಡ ಹಗಲೇ ಮಹಿಳೆಯಿಂದ ಹೋಟೆಲ್ ಮಾಲೀಕನ ಮಗನ ಅಪಹರಣ: CCTVಯಲ್ಲಿ ದೃಶ್ಯ ಸೆರೆ

Team Udayavani, May 2, 2024, 4:15 PM IST

ಗ್ರೇಟರ್ ನೋಯ್ಡಾ: ಹಾಡಹಗಲೇ ಮಹಿಳೆಯೊಬ್ಬರು ಹೋಟೆಲ್ ಮಾಲೀಕನ ಮಗನನ್ನು ಅಪಹರಿಸಿದ ಭಯಾನಕ ಘಟನೆ ಗ್ರೇಟರ್ ನೋಯ್ಡಾದ ಕೊತ್ವಾಲಿ ಬಿಟಾ 2 ಪ್ರದೇಶದಲ್ಲಿ ಬುಧವಾರ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರ ಪ್ರಕಾರ ಬುಧವಾರ ಮಧ್ಯಾಹ್ನ ಘಟನೆ ನಡೆದಿರುವುದಾಗಿ ಹೇಳಿಕೊಂಡಿದ್ದು ಇದಕ್ಕೆ ಸಂಬಂಧಿಸಿದ ಸಿಸಿಟಿವಿ ಫೂಟೇಜ್ ಕೂಡ ಪೊಲೀಸರಿಗೆ ಸಿಕ್ಕಿದ್ದು ಅದರಲ್ಲಿ ಬಿಳಿ ಬಣ್ಣದ ಸ್ಕೊಡಾ ಕಾರೊಂದು ಹೋಟೆಲ್ ಬಳಿಯಲ್ಲಿ ನಿಂತ್ತಿದ್ದು ಮಹಿಳೆಯೊಬ್ಬರು ಕಾರಿನಿಂದ ಇಳಿದು ಹೋಟೆಲ್ ಕಡೆ ತೆರಳಿ ಕೆಲ ಹೊತ್ತಿನ ಬಳಿಕ ಹೋಟೆಲ್ ಮಾಲೀಕನ ಹದಿನೈದು ವರ್ಷದ ಮಗನ ಜೊತೆ ಕಾರಿನ ಬಳಿ ಬಂದಿದ್ದಾಳೆ ಈ ವೇಳೆ ಕಾರಿನಿಂದ ಸ್ವಲ್ಪ ದೂರದಲ್ಲಿ ಬಿಳಿ ಬಣ್ಣದ ಶರ್ಟ್ ಧರಿದಿದ್ದ ವ್ಯಕ್ತಿಯೊಬ್ಬರು ನಿಂತಿದ್ದು ಬಾಲಕ ಕಾರಿನಲ್ಲಿ ಕುಳಿತ ಕೂಡಲೇ ಬಿಳಿ ಬಣ್ಣದ ಧಿರಿಸು ಧರಿಸಿದ್ದ ವ್ಯಕ್ತಿ ಕೂಡ ಅವಸರದಲ್ಲಿ ಕಾರಿನಲ್ಲಿ ಕೂತು ವೇಗವಾಗಿ ತೆರಳುವ ದೃಶ್ಯ ಸೆರೆಯಾಗಿದೆ.

ಇತ್ತ ಹೋಟೆಲ್ ನಲ್ಲಿ ಮಗ ಕಾಣದೇ ಇದ್ದಾಗ ಮಗನ ಮೊಬೈಲ್ ಗೆ ತಂದೆ ಕರೆ ಮಾಡಿದ್ದಾರೆ ಆದರೆ ಮೊಬೈಲ್ ಸ್ವಿಚ್ ಆಫ್ ಆಗಿತ್ತು ಇದರಿಂದ ಗಾಬರಿಗೊಂಡ ತಂದೆ ಸಿಸಿಟಿವಿ ಪರಿಶೀಲನೆ ನಡೆಸಿದಾಗ ಮಹಿಳೆಯೊಬ್ಬರು ಮಗನನ್ನು ಕರೆದುಕೊಂಡು ಹೋಗಿರುವುದು ಕಂಡು ಬಂದಿದೆ ಬಳಿಕ ಮನೆ, ಸಂಬಂದಿಕರ ಮನೆ ಹೀಗೆ ಆತನ ಸ್ನೇಹಿತರ ಮನೆಗೆಲ್ಲಾ ಕರೆ ಮಾಡಿದರೂ ಮಗನ ಪತ್ತೆಯಾಗಲಿಲ್ಲ ಇದರಿಂದ ಆತಂಕಗೊಂಡ ತಂದೆ ಪೊಲೀಸ್ ಠಾಣೆಗೆ ಬಂದು ತನ್ನ ಮಗನನ್ನು ಯಾರೋ ಅಪಹರಣ ಮಾಡಿದ್ದಾರೆ ಎಂದು ದೂರು ನೀಡಿದ್ದಾರೆ.

ದೂರು ಸ್ವೀಕರಿಸಿದ ಪೊಲೀಸರು ಬಾಲಕನ ಪತ್ತೆಗೆ ಮೂರು ತಂಡ ರಚಿಸಿ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: Gangster ಗೋಲ್ಡಿ ಬ್ರಾರ್ ಸತ್ತಿಲ್ಲ… ಶೂಟೌಟ್ ಬಗ್ಗೆ ಸ್ಪಷ್ಟನೆ ನೀಡಿದ ಅಮೆರಿಕ ಪೊಲೀಸರು