ಪಾಕ್‌ ಮಾದಕದ್ರವ್ಯ ಕಳ್ಳಸಾಗಾಟಗಾರನ ಹತ್ಯೆ, ಶಸ್ತ್ರಾಸ್ತ್ರ ವಶ

Team Udayavani, Feb 20, 2018, 11:15 AM IST

ಅಮೃತಸರ : ಪಂಜಾಬಿನ ಭಾರತ – ಪಾಕ್‌ ಅಂತಾರಾಷ್ಟ್ರೀಯ ಗಡಿಯಲ್ಲಿ ಇಂದು ಮಂಗಳವಾರ ಪಾಕಿಸ್ಥಾನದ ಓರ್ವ ಮಾದಕ ದ್ರವ್ಯ ಕಳ್ಳಸಾಗಾಟಗಾರನನ್ನು ಗುಂಡಿಕ್ಕಿ ಸಾಯಿಸಲಾಗಿದ್ದು ಆತನ ಬಳಿ ಇದ್ದ 10 ಕಿಲೋ ಮಾದಕ ದ್ರವ್ಯ ಮತ್ತು ಶಸ್ತ್ರಾಸ್ತ್ರಗಳನ್ನು ಬಿಎಸ್‌ಎಫ್ ವಶಪಡಿಸಿಕೊಂಡಿರುವುದಾಗಿ ವರದಿಯಾಗಿದೆ.

ಫಿರೋಜ್‌ಪುರ ವಲಯದ ಅಂತಾರಾಷ್ಟ್ರೀಯ ಗಡಿ ಪ್ರದೇಶದಲ್ಲಿ ಕಳ್ಳಸಾಗಾಟಗಾರರು ಮತ್ತು ಒಳನುಸುಳುಕೋರರನ್ನು ಸೆರೆ ಹಿಡಿಯುವ ಹೊಂಚು ದಾಳಿಯಲ್ಲಿ ಇಂದು ನಸುಕಿನ ವೇಳೆ ಪಾಕ್‌ ಮಾದಕ ದ್ರವ್ಯಸಾಗಣೆಕೋರನೊಬ್ಬ ಹತನಾದ. 

ಇಬ್ಬರು ಪಾಕ್‌ ಮಾದಕ ದ್ರವ್ಯ ಕಳ್ಳಸಾಗಾಟಗಾರರು ಅಂತಾರಾಷ್ಟ್ರೀಯ ಗಡಿಯೊಳಗೆ ನುಸುಳಿ ಬರುವುದನ್ನು ಗಮನಿಸಿದ ಭದ್ರತಾ ಪಡೆಗಳು ಒಡನೆಯೇ ಕಾರ್ಯಾಚರಣ ನಡೆಸಿ ಒಬ್ಟಾತನನ್ನು ಹೊಡೆದುರುಳಿಸಿದರು. ಇನ್ನೊಬ್ಟಾತ ಪಲಾಯನ ಮಾಡಿದ ಎಂದು ಸೇನಾ ಮೂಲಗಳು ತಿಳಿಸಿವೆ.