ಕಾಶ್ಮೀರ ಚರ್ಚೆಯ ಲೈವ್ ಡಿಬೇಟ್ ನಲ್ಲಿ ಜಾರಿ ಬಿದ್ದು ನಗೆಪಾಟಿಲಿಗೀಡಾದ ಪಾಕ್ ವಿಶ್ಲೇಷಕ!

Team Udayavani, Sep 20, 2019, 4:28 PM IST

ನವದೆಹಲಿ:ಜಮ್ಮು-ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡಿದ್ದ 370ನೇ ವಿಧಿಯನ್ನು ಕೇಂದ್ರ ಸರಕಾರ ರದ್ದುಗೊಳಿಸಿದ ನಂತರ ಕಾಶ್ಮೀರದ ವಿಚಾರದಲ್ಲಿ ಪಾಕಿಸ್ತಾನ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮುಖಭಂಗ ಅನುಭವಿಸಿದ್ದರೆ, ಇದೀಗ ಕಾಶ್ಮೀರ ಕುರಿತು ಟಿವಿ ಚಾನೆಲ್ ನಲ್ಲಿ ಲೈವ್ ಚರ್ಚೆ ನಡೆಸುತ್ತಿದ್ದಾಗಲೇ ವಿಶ್ಲೇಷಣಕಾರ ಕುರ್ಚಿಯಿಂದ ಬಿದ್ದ ಘಟನೆ ನಡೆದಿದ್ದು, ಈ ಫೂಟೇಜ್ ಸಾಮಾಜಿಕ ಜಾಲತಾಣದಲ್ಲಿ ಭರ್ಜರಿ ಸದ್ದು ಮಾಡುತ್ತಿದೆ.

ಪಾಕಿಸ್ತಾನದ ಜಿಟಿವಿಯಲ್ಲಿ ಸೆಪ್ಟೆಂಬರ್ 16ರಂದು ಜಿಟಿವಿಯಲ್ಲಿ ಕಾಶ್ಮೀರದ ಕುರಿತು ಲೈವ್ ಆಗಿ ವಿಶ್ಲೇಷಣೆ ನಡೆಸುತ್ತಿದ್ದ ಕಾರ್ಯಕ್ರಮದಲ್ಲಿ ಈ ಘಟನೆ ನಡೆದಿದೆ.

ಕಾಶ್ಮೀರ ವಿಷಯದ ಕುರಿತು ಚರ್ಚಿಸುತ್ತಿದ್ದ ವಿಶ್ಲೇಷಣಕಾರ ಮಾಝರ್ ಬಾರ್ಲ್ಸ್ ಕುರ್ಚಿಯಿಂದ ದಿಢೀರನೆ ಕೆಳಗೆ ಬಿದ್ದಿದ್ದರು. ಈ ವೇಳೆ ಎಲ್ಲರೂ ಆಘಾತಕ್ಕೊಳಗಾಗಿದ್ದರು. ಯಾಕೆಂದರೆ ಕಾರ್ಯಕ್ರಮ ಲೈವ್ ಆಗಿ ಪ್ರಸಾರವಾಗುತ್ತಿತ್ತು. ಕಾರ್ಯಕ್ರಮ ನಿರೂಪಕಿಯ ರಿಯಾಕ್ಷನ್ ಅಂತೂ ಊಹಿಸಿಕೊಳ್ಳಲೂ ಸಾಧ್ಯವಿಲ್ಲ.

During a live discussion on Kashmir an analyst falls off his chair. This happened on Pakistan’s GTV. pic.twitter.com/gWGcBoboVi

— Naila Inayat नायला इनायत (@nailainayat) September 17, 2019