Pakistani ‘Bhabhi “ಭಾರತವನ್ನು ಬಿಟ್ಟು ಎಲ್ಲಿಗೂ ಹೋಗಲ್ಲ’

Team Udayavani, Jul 12, 2023, 7:25 AM IST

ಹೊಸದಿಲ್ಲಿ: ಪಬ್ಜಿಯಲ್ಲಿ ಪರಿಚಯ­ವಾದ ಪ್ರೇಮಿ ಜತೆಗೆ ಬುದಕು­ವುದ ಕ್ಕಾಗಿ ಅಕ್ರಮವಾಗಿ ಭಾರತ ಪ್ರವೇಶಿಸಿ ಸುದ್ದಿಯಾಗಿದ್ದ ಪಾಕಿಸ್ಥಾನ ಮಹಿಳೆ ಸೀಮಾ ಹೈದರ್‌, ಇದೀಗ ಭಾರತದ ಸಂಸ್ಕೃತಿ, ಹಿಂದೂ ಸಂಪ್ರದಾಯಗಳಿಗೆ ಮನಸೋತಿ­ದ್ದಾರೆ. ಅಲ್ಲದೇ ತಾನು ಪಾಕಿಸ್ಥಾನಕ್ಕೆ ಯಾವುದೇ ಕಾರಣಕ್ಕೂ ಹಿಂದಿರುಗು­ವು­ದಿ­ಲ್ಲ ಎಂದಿದ್ದಾರೆ.

ಪಾಕ್‌ ಮೂಲದ ವಿವಾಹಿತ ಮಹಿಳೆ ಸೀಮಾ, ಪಬ್ಜಿ ಗೇಮ್‌ ಮೂಲಕ ಪರಿಚಿತರಾದ ಉತ್ತರ ಪ್ರದೇಶ ಮೂಲದ ಸಚಿನ್‌ ಎಂಬು­ವರನ್ನು ಪ್ರೇಮಿಸಿದ್ದರು. ಅರಬ್‌ನಲ್ಲಿರುವ ಆಕೆಯ ಪತಿ ನೀಡುತ್ತಿದ್ದ ಹಿಂಸೆಗಳಿಂದ ಬೇಸತ್ತು, ಸಚಿನ್‌ ಜತೆಗೆ ಬದುಕು ಕಟ್ಟಿಕೊಳ್ಳಲು ನಿರ್ಧರಿಸಿ, ತಮ್ಮ ಎರಡು ಮಕ್ಕಳೊಂದಿಗೆ ನೇಪಾಲದ ಮೂಲಕ ಭಾರತಕ್ಕೆ ಅಕ್ರಮವಾಗಿ ಪ್ರವೇಶಿಸಿದ್ದರು.

ಅಕ್ರಮವಾಗಿ ದೇಶ ಪ್ರವೇ­ಶಿಸಿದ್ದ ಅವರನ್ನು ಇತ್ತೀಚೆಗೆ ಜು.4ರಂದು ಬಂಧಿಸಲಾಗಿತ್ತು. ಇದೀಗ ಸೀಮಾ ಜಾಮೀನಿನ ಮೇಲೆ ಹೊರಗಿದ್ದಾರೆ. ಈ ನಡುವೆ ಸಚಿನ್‌ ಕುಟುಂಬದ ಜತೆಗೆ ಬೆರೆತಿರುವ ಅವರು, ಹಿಂದೂ ಸಂಪ್ರ­ದಾಯ, ಸಸ್ಯಾಹಾರವನ್ನು ರೂಢಿಸಿಕೊಂಡಿ ದ್ದಾರೆ. ಇದೆಲ್ಲವೂ ನನಗೆ ನೆಮ್ಮದಿ ನೀಡಿದೆ. ಜತೆಗೆ ಪಾಕ್‌ಗೆ ಮರಳಿದರೆ ತನ್ನನ್ನು ಕೊಲ್ಲುವುದು ಖಚಿತ ಎಂದೂ ತಿಳಿಸಿದ್ದಾರೆ.