LoC ದಾಟಿ ಬಂದ ಪಾಕ್ ಆಕ್ರಮಿತ ಕಾಶ್ಮೀರದ ವೃದ್ಧನ ಬಂಧನ

Team Udayavani, Jun 5, 2024, 1:55 PM IST

ಮೆಂಧಾರ್/ಜಮ್ಮು: ಪೂಂಚ್ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆಯಲ್ಲಿ (ಎಲ್‌ಒಸಿ)  ಭಾರತೀಯ ಭೂಪ್ರದೇಶಕ್ಕೆ ಅಕ್ರಮವಾಗಿ ಪ್ರವೇಶಿಸಿದ ಪಾಕಿಸ್ಥಾನ ಆಕ್ರಮಿತ ಕಾಶ್ಮೀರದ ವೃದ್ಧನೊಬ್ಬನನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ಬುಧವಾರ ತಿಳಿಸಿದ್ದಾರೆ.

ಬಂಧಿತ ವೃದ್ಧ ಪಿಒಕೆಯ ಬಟ್ಟಲ್ ಗ್ರಾಮದ ನಿವಾಸಿ 72 ವರ್ಷದ ಮುನೀರ್ ಹುಸೇನ್ ಎಂದು ಗುರುತಿಸಲಾಗಿದೆ.

ಮಂಗಳವಾರ ಸಂಜೆ ಮೆಂಧಾರ್ ಉಪವಿಭಾಗದ ಮಂಕೋಟೆ ವಲಯದ ಘೋರಾ ಪೋಸ್ಟ್ ಬಳಿಯ ನಂಗಿ ಟಕರೈ ಫಾರ್ವರ್ಡ್ ಪ್ರದೇಶದಲ್ಲಿ ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸೇನೆ ಗಸ್ತು ತಿರುಗುತ್ತಿದ್ದ ವೇಳೆ ಹುಸೇನ್ ಭಾರತದ ಭೂಪ್ರದೇಶಕ್ಕೆ ಬರುತ್ತಿರುವುದನ್ನು ಕಂಡು ಸವಾಲು ಹಾಕಿದಾಗ ಪಲಾಯನ ಮಾಡಲು ಪ್ರಯತ್ನಿಸಿದ. ಆತನಿಂದ ಯಾವುದೇ ದೋಷಾರೋಪಣೆ ವಸ್ತುಗಳನ್ನು ವಶಪಡಿಸಿಕೊಂಡಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪ್ರಾಥಮಿಕ ವಿಚಾರಣೆಯ ವೇಳೆ ಅವರು ಅಜಾಗರೂಕತೆಯಿಂದ ಎಲ್ಒಸಿ ದಾಟಿರಬಹುದು ಎಂದು ಹೇಳಿದ್ದಾರೆ.