ಏಸು ಕ್ರಿಸ್ತರೊಡನೆ ಪಾರೀಕರ್‌ ಹೋಲಿಸಿದ ಗೋವಾ ಸಚಿವ: ಕಾಂಗ್ರೆಸ್‌ ಟೀಕೆ

Team Udayavani, Feb 2, 2019, 11:17 AM IST

ಪಣಜಿ : ‘ಗೋವಾ ಮುಖ್ಯಮಂತ್ರಿ ಮನೋಹರ್‌ ಪಾರೀಕರ್‌ ಅವರು ಏಸು ಕ್ರಿಸ್ತನ ಹಾಗೆ; ಪಾರೀಕರ್‌ ಅವರು ಬೈಬಲ್‌ ಉಕ್ತಿಯ ಪ್ರಕಾರ ಸೇತುವೆ ಕಟ್ಟಿದ್ದಾರೆ; ಗೋಡೆಯನ್ನಲ್ಲ’ ಎಂದು ಗೋವಾ ಸಚಿವ ವಿಜಯ್‌ ಸರ್‌ದೇಸಾಯ್‌ ಹೇಳಿರುವ ಮಾತುಗಳಲ್ಲಿ  ‘ಪಾರೀಕರ್‌ ಅವರನ್ನು  ಏಸು ಕ್ರಿಸ್ತರೊಡನೆ  ಹೋಲಿಸಿರುವುದು ಸರಿಯಲ್ಲ; ಹಾಗೆ ಮಾಡುವ ಮೂಲಕ ಅವರು ಕ್ರೈಸ್ತರ ಧಾರ್ಮಿಕ ಭಾವನೆಗಳನ್ನು ನೋಯಿಸಿದ್ದಾರೆ’ ಎಂದು ಕಾಂಗ್ರೆಸ್‌ ನೀಡಿರುವ ಪ್ರತಿಕ್ರಿಯೆಗೆ ಸಚಿವ ಸರ್‌ದೇಸಾಯಿ ಉತ್ತರ ನೀಡಿದ್ದಾರೆ. 

‘ಬೈಬಲ್‌ ನಲ್ಲಿ ಹೇಳಿರುವ ಪ್ರಕಾರ ಸೇತುವೆ ಎಂದರೆ ಮನುಷ್ಯ-ಮನುಷ್ಯರ ನಡುವೆ ಉತ್ತಮ ಸಂಬಂಧಗಳನ್ನು ಜೋಡಿಸುವ ಸೇತುವೆಯೇ ವಿನಾ ಕಾಂಗ್ರೆಸಿಗರು ಅರ್ಥ ಮಾಡಿಕೊಂಡಿರುವ ಹಾಗೆ ಕಾಂಕ್ರೀಟ್‌ ಸೇತುವೆ ಅಲ್ಲ’ ಎಂದು ಸರ್‌ದೇಸಾಯಿ ತಿರುಗೇಟು ನೀಡಿದ್ದಾರೆ. 

‘ಸಿಎಂ ಪಾರೀಕರ್‌ ಅವರು ಮನುಷ್ಯ-ಮನುಷ್ಯರ ನಡುವೆ ಉತ್ತಮ ಸಂಬಂಧಗಳ ಸೇತುವೆ ನಿರ್ಮಿಸಿದ್ದರಿಂದಲೇ ನಾವು ಇವತ್ತು ಬಿಜೆಪಿಯೊಂದಿಗೆ ಇದ್ದೇವೆ’ ಎಂದು ಗೋವಾ ಫಾರ್ವರ್ಡ್‌ ಬ್ಲಾಕ್‌ ಶಾಸಕರಾಗಿದ್ದು, ನಗರ ಮತ್ತು ಗ್ರಾಮೀಣ ಸಚಿವರಾಗಿರುವ ಸರ್‌ದೇಸಾಯಿ ಹೇಳಿದರು.