ಮರಾಠ ಮೀಸಲಾತಿ: ಸರ್ವಾನುಮತದ ನಿಲುವಿಗೆ ಸರ್ವಪಕ್ಷ ನಿರ್ಧಾರ ?

Team Udayavani, Jul 28, 2018, 7:13 PM IST

ಮುಂಬಯಿ : ರಾಜ್ಯದಲ್ಲಿನ ಎಲ್ಲ ಪಕ್ಷಗಳು ಮರಾಠ ಮೀಸಲಾತಿ ವಿಷಯದಲ್ಲಿ ಸರ್ವಾನುಮತದ ನಿಲುವನ್ನು ತಳೆಯಲು ನಿರ್ಧರಿಸಿರುವುದಾಗಿ ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೆಂದ್ರ ಫ‌ಡ್ನವೀಸ್‌ ಹೇಳಿದ್ದಾರೆ.

ಸರ್ವ ಪಕ್ಷಗಳ ಸಭೆಯ ಬಳಿಕ ಫ‌ಡ್ನವೀಸ್‌ ಅವರು ಈ ವಿಷಯವನ್ನು ಮಾಧ್ಯಮಕ್ಕೆ ತಿಳಿಸಿದರು.

ಮರಾಠ ಮೀಸಲಾತಿಗೆ ಸಂಬಂಧಿಸಿದಂತೆ ಎಲ್ಲ ಪಕ್ಷಗಳ ಅಭಿಪ್ರಾಯವು ಏಕರೀತಿಯದ್ದಾಗಿದೆ; ಅಂತೆಯೇ ಈ ವಿಷಯದಲ್ಲಿ ನಾವು ಸರ್ವಾನುಮತದ ನಿಲುವಿಗೆ ನಿರ್ಧರಿಸಿದ್ದೇವೆ ಎಂದು ಫ‌ಡ್ನವೀಸ್‌ ಹೇಳಿದರು.

ನಮ್ಮ ಸಹೋದ್ಯೋಗಿಗಳಿಗೆ ಏನಾದರೂ ಪ್ರಾಯೋಗಿಕ ಸಮಸ್ಯೆ ಇದ್ದರೆ ನಾವು ಅವರೊಂದಿಗೆ ಸಹಕರಿಸಲು ಸಿದ್ಧರಿದ್ದೇವೆ; ಆದರೆ ಶುಲ್ಕ ವಿಚಾರದಲ್ಲಿ ಮರಾಠ ವಿದ್ಯಾರ್ಥಿಗಳಿಗೆ ಉದ್ದೇಶಪೂರ್ವಕವಾಗಿ ತೊಂದರೆ ಕೊಟ್ಟಲ್ಲಿ ಶಿಕ್ಷಣ ಇಲಾಖೆಯ ಅವರ ನೋಂದಣೆಯನ್ನು ರದ್ದು ಮಾಡಲಿದೆ ಎಂದು ಫ‌ಡ್ನವೀಸ್‌ ಹೇಳಿದರು.