ಬೈಕ್ ಢಿಕ್ಕಿ ಹೊಡೆದು ಪೊಲೀಸ್ ಬಸ್ ಬೆಂಕಿಗಾಹುತಿ : ಮೂವರು ಬೈಕ್ ಸವಾರರು ಸಜೀವ ದಹನ

Team Udayavani, Oct 12, 2022, 11:43 AM IST

ಪಾಟ್ನಾ : ಪೊಲೀಸ್ ಬಸ್ ಗೆ ಬೈಕೊಂಡು ಢಿಕ್ಕಿ ಹೊಡೆದ ಪರಿಣಾಮ ಬಸ್ಸಿಗೆ ಬೆಂಕಿ ಹೊತ್ತಿಕೊಂಡು ಮೂವರು ಬೈಕ್ ಸವಾರರು ಸಜೀವ ದಹನಗೊಂಡ ಘಟನೆ ಪಾಟ್ನಾದ ಚಪ್ರಾ – ಸಿವಾನ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಭವಿಸಿದೆ.

ಬುಧವಾರ ಮುಂಜಾನೆ ಈ ಅವಘಡ ಸಂಭವಿಸಿದ್ದು ಬೈಕ್ ನಲ್ಲಿ ಮೂವರು ಪ್ರಯಾಣಿಸುತ್ತಿದ್ದರು ಎನ್ನಲಾಗಿದೆ.

ಚಪ್ರಾ – ಸಿವಾನ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬೈಕ್ ನಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ಎದುರು ಬದಿಯಲ್ಲಿ ಹೋಗುತ್ತಿದ್ದ ಪೊಲೀಸ್ ಬಸ್ ಗೆ ಢಿಕ್ಕಿ ಹೊಡೆದಿದೆ, ಪರಿಣಾಮ ಬೈಕ್ ಸವಾರರು ಬಸ್ಸಿನಡಿ ಸಿಲುಕಿಕೊಂಡು ಸುಮಾರು ೯೦ ಮೀಟರ್ ದೂರದವರೆಗೆ ಎಳೆದುಕೊಂಡು ಹೋಗಿದೆ ಈ ವೇಳೆ ಬಸ್ಸಿನ ಡೀಸೆಲ್ ಟ್ಯಾಂಕ್ ಗೆ ಬೆಂಕಿ ಹೊತ್ತಿಕೊಂಡು ಬಸ್ ಸಂಪೂರ್ಣ ಬೆಂಕಿಗಾಹುತಿಯಾಗಿದೆ, ಬಸ್ಸಿಗೆ ಬೆಂಕಿ ಹೊತ್ತಿಕೊಳ್ಳುತ್ತಿದ್ದಂತೆ ಬಸ್ಸಿನಡಿ ಸಿಲುಕಿದ್ದ ಮೂವರು ಬೈಕ್ ಸವಾರರು ಸಜೀವ ದಹನಗೊಂಡಿದ್ದಾರೆ, ಈ ವೇಳೆ ಬಸ್ಸಿನಲ್ಲಿದ್ದ ಪೊಲೀಸ್ ಸಿಬಂದಿಗಳು ಕೂಡಲೇ ಕೆಳಗಿಳಿದು ಪಾರಾಗಿದ್ದಾರೆ.

छपरा-सीवान हाईवे पर आज सुबह पुलिस के जवानों को ले जा रही एक बस की चपेट में आने से तीन बाइक सवारों की मौत हो गई. हादसे के बाद बस के फ्यूल टैंक में विस्फोट होने से बस में भी आग लग गई.#Chapra pic.twitter.com/kNHrHR7FK4

— Kumar Abhishek (@active_abhi) October 12, 2022