ಹುಟ್ಟುಹಬ್ಬ ಸೇರಿ ಇತರ ಸಂಭ್ರಮಾಚರಣೆಗಾಗಿ ಬಾಡಿಗೆಗೆ ಸಿಗಲಿದೆ “ಮೆಟ್ರೋ ರೈಲು”

Team Udayavani, Mar 20, 2021, 4:14 PM IST

People Can Now Hire Jaipur Metro Coaches For Birthdays

ನವದೆಹಲಿ: ರೈಲುಗಳಲ್ಲಿ ಸಂಭ್ರಮಾಚರಣೆಯನ್ನು ಮಾಡಲು ಇಚ್ಛಿಸುವವರಿಗೆ ಒಂದು ಸುವರ್ಣ ಅವಕಾಶವನ್ನು ರಾಜಸ್ಥಾನದ ಜೈಪುರ ಮೆಟ್ರೋ ರೈಲಿನಲ್ಲಿ ನೀಡಲಾಗಿದ್ದು. ರೈಲಿನ ಬೋಗಿಗಳನ್ನು ಬಾಡಿಗೆ ಪಡೆಯುವ ಮೂಲಕ ಸಂಭ್ರಮಾಚಣೆಗಳನ್ನು ಮಾಡಬಹುದಾಗಿದೆ.

ಮೆಟ್ರೋ ರೈಲಿನ ಆದಾಯವನ್ನು ಮತ್ತಷ್ಟು ಹೆಚ್ಚಿಸುವ ಹಿನ್ನೆಯೆಯಲ್ಲಿ ಇಲಾಖೆಯು ಈ ನಿರ್ಧಾರವನ್ನು ಕೈಗೊಂಡಿದ್ದು, ಗಂಟೆಗಳ ಲೆಕ್ಕದಲ್ಲಿ ಬೋಗಿಗಳನ್ನು ಬಾಡಿಗೆ ಪಡೆಯಲು ಅನುಮತಿ ನೀಡಲಾಗಿದೆ.

ಈ ಕುರಿತಾಗಿ ಅಧಿಕೃತ ಹೇಳಿಕೆಯನ್ನು ಹೊರಡಿಸಿರುವ ಇಲಾಖೆ ಅಧಿಕಾರಿಗಳು, ಯಾರು ರೈಲಿನಲ್ಲಿ ಹುಟ್ಟುಹಬ್ಬ ಸೇರಿದಂತೆ ಇತರೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲು ಇಚ್ಛಿಸುತ್ತಾರೋ ಅವರು ಬೋಗಿಯೊಂದಕ್ಕೆ 4 ಗಂಟೆಗಳ ಕಾಲಮಿತಿಗೆ 5,000 ರೂ. ಪಾವತಿಸಿ ಸಂಭ್ರಮಾಚರಣೆಯನ್ನು ನಡೆಸಬಹುದಾಗಿದೆ ಎಂದಿದ್ದು, ಹೆಚ್ಚುವರಿ ಸಮಯಕ್ಕಾಗಿ ಪ್ರತಿ ಘಂಟೆಗೆ 1000 ರೂ ಹೆಚ್ಚುವರಿ ಹಣವನ್ನು ನಿಗದಿಗೊಳಿಸಿದೆ ಎನ್ನಲಾಗಿದೆ.

ಇದನ್ನೂ ಓದಿ:ಹುಬ್ಬಳ್ಳಿಯ ಛಬ್ಬಿ ಗ್ರಾಮದಲ್ಲಿ ಸಚಿವ ಅಶೋಕ್ ಗ್ರಾಮ ವಾಸ್ತವ್ಯ: ಅದ್ದೂರಿ ಸ್ವಾಗತ

ಇದೇ ರೀತಿ ಒಂದು ವೇಳೆ ಕಾರ್ಯಕ್ರಮವನ್ನು ಆಯೋಜನೆ ಮಾಡುವವರು 4 ಬೋಗಿಗಳನ್ನು ಬಾಡಿಗೆ ಪಡೆಯಲು ಬಯಸಿದರೆ ಅಂತವರಿಗೆ ನಾಲ್ಕು ಗಂಟೆಗಳ ಅವಧಿಗೆ 20,000 ರೂ ವನ್ನು ನಿಗದಿಗೊಳಿಸಿಲಾಗಿದೆ ಮತ್ತು ನಾಲ್ಕು ಬೋಗಿಗಳಿಗೆ ಹೆಚ್ಚುವರಿ ಸಮಯಕ್ಕೆ ಪ್ರತಿ‍ ಗಂಟೆಗೆ 5,000 ರೂ ನೀಡಬೇಕಾಗುತ್ತದೆ ಎಂದು ಅಧಿಕಾರಿಗಳು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಈ ಹಿಂದೆ ಜೈಪುರದ ಮೆಟ್ರೋ ರೈಲಿನಲ್ಲಿ ಜಾಹಿರಾತುಗಳ ಚಿತ್ರೀಕರಣಕ್ಕೆ ಅವಕಾಶವನ್ನು ಒದಗಿಸಿಕೊಡಲಾಗಿದ್ದು, ಇದಕ್ಕೆ ಬಳಸಲಾಗುವ ಬ್ಯಾನರ್ ಸೇರಿದಂತೆ ಇತ್ಯಾದಿ ಸಾಮಾಗ್ರಿಗಳನ್ನು ಈವೆಂಟ್ ಮ್ಯಾನೇಜ್ ಮೆಂಟ್ ಸಹಯೋಗದೊಂದಿಗೆ ವ್ಯವಸ್ಥೆ ಮಾಡಲಾಗಿದೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ:ಐಎಎಸ್ ಅಧಿಕಾರಿ ಅಕ್ರಂ ಪಾಷ ತಂಜಾವೂರಿನಲ್ಲಿ ಚುನಾವಣಾ ವೀಕ್ಷಕರಾಗಿ ನೇಮಕ