ಕಾಶ್ಮೀರದಲ್ಲಿ ಇನ್ನೂ ಸಮಸ್ಯೆಯಿದೆ; ಆದರೆ ಜನರು ಸಂತೋಷದಲ್ಲಿದ್ದಾರೆ: ಬಿಜೆಪಿ ನಾಯಕ

Team Udayavani, Oct 5, 2019, 8:06 AM IST

ಹೈದರಾಬಾದ್: ಅನುಚ್ಛೇಧ 370ನ್ನು ರದ್ದುಗೊಳಿಸಿದ ನಂತರ ಜಮ್ಮು ಕಾಶ್ಮೀರ ಮತ್ತು ಲಡಾಖ್ ನ ಜನತೆ ಸಂತೋಷದಿಂದಿದ್ದಾರೆ. ಆದರೆ ಅಲ್ಲಿ ಇನ್ನೂ ಕೆಲವು ಸಮಸ್ಯೆಗಳು ಇವೆ ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ರಾಮ್ ಮಾಧವ್ ಹೇಳಿಕೆ ನೀಡಿದ್ದಾರೆ.

ರಾಷ್ಟ್ರೀಯ ಏಕತಾ ಅಭಿಯಾನದಲ್ಲಿ ಮಾತನಾಡಿದ ಅವರು,  ಜಮ್ಮುವಿನಲ್ಲಿ ಜನರು ಖುಷಿಯಿಂದಿದ್ದಾರೆ. ದೇಶದೊಂದಿಗೆ ಹೊಂದಿಕೊಂಡು ಹೋಗಲು ಸಿದ್ದರಾಗಿದ್ದಾರೆ. ಆದರೆ ಕಾಶ್ಮೀರ ಕಣಿವೆಯಲ್ಲಿ ಸ್ವಲ್ಪ ತೊಂದರೆಯಿದೆ ಎಂದು ರಾಮ್ ಮಾಧವ್ ಹೇಳಿದ್ದಾರೆ.

ಲಡಾಖ್ ಪ್ರಾಂತ್ಯದ ಜನರೂ ತುಂಬಾ ಸಂತೋಷದಿಂದ್ದಾರೆ. ಯಾಕೆಂದರೆ ಇದು ಅವರ ಬಹುದಿನಗಳ ಕನಸಾಗಿತ್ತು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಲಡಾಖ್ ಅನ್ನು ಕೇಂದ್ರಾಡಳಿತ ಪ್ರದೇಶ ಎಂದು ಕೇಂದ್ರ ಸರಕಾರ ಘೋಷಿಸಿತ್ತು.