ಸತತ ಒಂಬತ್ತನೇ ದಿನವೂ ಏರಿಕೆ ಕಂಡ ಪೆಟ್ರೋಲ್ – ಡೀಸೆಲ್ ದರ

Team Udayavani, Jun 15, 2020, 9:38 AM IST

ಹೊಸದಿಲ್ಲಿ: ದೇಶದಲ್ಲಿ ಸತತ ಒಂಬತ್ತನೇ ದಿನವೂ ತೈಲದರದಲ್ಲಿ ಏರಿಕೆ ಕಂಡಿದೆ. ಕೋವಿಡ್-19 ಲಾಕ್ ಡೌನ್ ನಿಂದ ಕಂಗೆಟ್ಟಿರುವ ಗ್ರಾಹಕರಿಗೆ ಈ ಸತತ ದರ ಏರಿಕೆ ಬೆಳವಣಿಗೆ ಆಘಾತ ನೀಡಿದೆ.

ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾತೈಲ ಬೆಲೆ ಏರಿಕೆ ಹಿನ್ನೆಲೆಯಲ್ಲಿ ಕಂಪನಿಗಳು ಈ ಹೆಚ್ಚಳ ಮಾಡುತ್ತಿವೆ. ರಾಷ್ಟ್ರ ರಾಜಧಾನಿಯಲ್ಲಿ ಇಂದು ಪೆಟ್ರೋಲ್ ಗೆ 48 ಪೈಸೆ ಏರಿಕೆಯಾಗಿದ್ದು, ಪ್ರತಿ ಲೀಟರ್ ಪೆಟ್ರೋಲ್ 76.26 ರೂ. ಗೆ ಏರಿಕೆಯಾಗಿದೆ. ಡೀಸೆಲ್ ಗೆ 59 ಪೈಸೆಗೆ ಏರಿಕೆಯಾದ ಕಾರಣ 74.62 ರೂ. ಏರಿಕೆಯಾಗಿದೆ.

ಕೋವಿಡ್-19 ಸೋಂಕಿನ ಕಾರಣಗಳಿಂದ 82 ದಿನಗಳ ತೈಲ ದರ ಏರಿಕೆ ಮಾಡಲು ನಿರ್ಬಂಧ ಹೇರಲಾಗಿತ್ತು. ನಿರ್ಬಂಧ ತೆರವಾದ ನಂತರ ಸತತ ಒಂಬತ್ತು ದಿನಗಳು ತೈಲ ದರದಲ್ಲಿ ಏರಿಕೆಯಾಗಿದೆ.

ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಇಂದಿನ ಪೆಟ್ರೋಲ್ ದರ 78.73 ರೂ. ಆಗಿದೆ. ಜೂನ್ ಆರರಂದು 73.55 ರೂ ಆಗಿದ್ದ ಪೆಟ್ರೋಲ್ ದರ ಇಂದು 78.73 ರೂ ಆಗಿದೆ. ಡೀಸೆಲ್ ದರದಲ್ಲಿ ಇಂದು 61 ಪೈಸೆ ಏರಿಕೆಯಾಗಿದ್ದು, 70.39 ರೂ. ಗೆ ತಲುಪಿದೆ. ಜೂನ್ ಆರರಂದು ಡೀಸೆಲ್ ದರ 65.96 ರೂ. ರಲ್ಲಿತ್ತು.