ಹಾರ್ಲೆ ಡೇವಿಡ್ಸನ್‌ ಓಡಿಸಿದ ಮುಖ್ಯ ನ್ಯಾಯಮೂರ್ತಿ ಎಸ್‌.ಎ. ಬೊಬ್ಡೆ

Team Udayavani, Jun 30, 2020, 6:38 AM IST

ಹೊಸದಿಲ್ಲಿ: ವಿವಾದ, ಕೋರ್ಟ್‌, ಕಲಾಪ- ಸುಪ್ರೀಂಕೋರ್ಟ್‌ನ ಮುಖ್ಯ ನ್ಯಾಯಮೂರ್ತಿಗಳ ಬದುಕು ಇಷ್ಟೇ ಅಲ್ಲ. ಅದರಾಚೆಗೂ ಅವರಿಗೆ ಸುಂದರ ಬದುಕು, ಹವ್ಯಾಸಗಳಿವೆ.

ಬೈಕ್ ‌ಪ್ರಿಯರಾಗಿರುವ ಮುಖ್ಯ ನ್ಯಾ| ಎಸ್‌.ಎ. ಬೊಬ್ಡೆ ರವಿವಾರ ದೈತ್ಯ ಹಾರ್ಲೆ ಡೇವಿ­ಡ್ಸನ್‌ ಬೈಕ್‌ ಸವಾರಿ ನಡೆಸಿ ದೇಶದ ಗಮನ ಸೆಳೆದರು.

64 ವರ್ಷದ ಬೊಬ್ಡೆ ಅವರು ಬೈಕನ್ನೇರಿ ಕುಳಿತಿರುವ ಫೋಟೊ­ಗಳು ಸಾಮಾ­ಜಿಕ ಜಾಲತಾಣ­ದಲ್ಲಿ ವೈರಲ್‌ ಆಗಿವೆ.
ಬೊಬ್ಡೆ ಅವರ ಹುಟ್ಟೂರು ನಾಗ್ಪುರದಲ್ಲಿ ಈ ಫೋಟೊಗಳನ್ನು ತೆಗೆಯಲಾಗಿದೆ.

ಒತ್ತಡದ ಬದುಕಿನ ನಡುವೆಯೂ ಮುಖ್ಯ ನ್ಯಾಯಮೂರ್ತಿಗಳ ಹವ್ಯಾಸಕ್ಕೆ ನೆಟ್ಟಿಗರಿಂದ ಅಪಾರ ಪ್ರಶಂಸೆ ವ್ಯಕ್ತವಾಗಿದೆ.

ಕೆಲವರು ಮುಖ್ಯ ನ್ಯಾಯಮೂರ್ತಿಗಳು ಹೆಲ್ಮೆಟ್‌ ಧರಿಸಿಲ್ಲ ಎಂದು ಅಕ್ಷೇಪವನ್ನೂ ತೆಗೆದಿದ್ದಾರೆ. ಬೈಕ್‌ ನಿಂತಾಗ, ಹೆಲ್ಮೆಟ್‌ ಪಕ್ಕಕ್ಕಿಟ್ಟು ಈ ಫೋಟೊ ತೆಗೆಯಲಾಗಿದೆ ಎಂದು ಎನ್‌ಡಿಟಿವಿ ವರದಿ ಮಾಡಿದೆ.