Pinarayi Vijayan;ಗಾಡ್ಗೀಳ್‌, ರಂಗನ್‌ ವರದಿ ವಾಸ್ತವಿಕವಲ್ಲ

Team Udayavani, Sep 2, 2024, 6:31 AM IST

ತಿರುವನಂತಪುರ: ಪಶ್ಚಿಮ ಘಟ್ಟಗಳ ಸಂರಕ್ಷಣೆಗೆ ಮಾಧವ ಗಾಡ್ಗೀಳ್‌ ಹಾಗೂ ಕಸ್ತೂರಿರಂಗನ್‌ ಸಮಿತಿಗಳು ನೀಡಿರುವ ವರದಿಗಳು ವಾಸ್ತವಿಕವಾಗಿಲ್ಲ ಎಂದು ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ರವಿವಾರ ಹೇಳಿದ್ದಾರೆ.

ಭೂಕುಸಿತಕ್ಕೆ ಸಂಬಂಧ ಮಾಧ್ಯ­ಮ­ವೊಂದರ ಜತೆ ಮಾತನಾ­­ಡಿ­ರುವ ಅವರು, ಈ ವರದಿಗಳು ಸಾಮಾಜಿಕ ನಿರೀಕ್ಷೆ, ವಾಸ್ತವ ಸಂಗತಿಗಳನ್ನು ಗಣನೆಗೆ ತೆಗೆದುಕೊಂಡಿಲ್ಲ ಎಂದಿದ್ದಾರೆ.

ಕೆಲವರು ಶತಮಾನಗಳಿಂದ ಸೂಕ್ಷ್ಮ ಪರಿಸರ ಪ್ರದೇಶಗಳಲ್ಲಿ ವಾಸಿಸುತ್ತಿದ್ದಾರೆ. ಅಂಥವರನ್ನು ಈ ಸಮಿತಿಗಳು ಪರಿಗಣ­ನೆಗೆ ತೆಗೆದುಕೊಂಡಿಲ್ಲ. ಪ್ಲಾಂಟೇಶನ್‌ ಮಾಲಕರು, ರಿಯಲ್‌ ಎಸ್ಟೇಟ್‌ ಉದ್ಯ­ಮಿ­ಗಳು ಅಥವಾ ಗಣಿಗಾರಿಕೆ ನಡೆಸುವ­ವ­ರನ್ನು ಸಾಮಾನ್ಯ ರೈತರ ಜತೆ ಹೋಲಿ­ಸಲು ಸಾಧ್ಯವಾಗುವುದಿಲ್ಲ ಎಂದಿದ್ದಾರೆ.

2,000 ಕೋಟಿ ಪರಿಹಾರ ಬೇಡಿಕೆ
ವಯನಾಡ್‌ ಭೂ ಕುಸಿತಕ್ಕೆ ಸಂಬಂ­ಧಿ­ಸಿದಂತೆ ಕೇಂದ್ರ ಸರಕಾರ 2,000 ಕೋಟಿ ರೂ. ಪರಿಹಾರ ನೀಡಬೇಕು ಎಂದು ಅವರು ಬೇಡಿಕೆ ಇಟ್ಟಿದ್ದಾರೆ. ಈ ದುರಂತ ಹಿಂದೆ ನಡೆ­ಯದ ಅನಾ­ಹುತ ಸೃಷ್ಟಿಸಿದ್ದು ಕೇಂದ್ರ ಸರಕಾರ ಭಾರೀ ಪರಿಹಾರ ನೀಡುವ ಭರವಸೆ ಇದೆ ಎಂದಿದ್ದಾರೆ.