ಗೋಯೆಲ್‌ರಿಂದ ಕೇಂದ್ರ ಬಜೆಟ್‌

Team Udayavani, Jan 24, 2019, 12:30 AM IST

ಹೊಸದಿಲ್ಲಿ: ರೈಲ್ವೇ ಸಚಿವ ಪಿಯೂಷ್‌ ಗೋಯೆಲ್‌ ಅವರಿಗೆ ಕೇಂದ್ರ ಹಣಕಾಸು ಮತ್ತು ಕಾರ್ಪೊರೇಟ್‌ ವ್ಯವಹಾರಗಳ ಇಲಾಖೆಯ ಹೆಚ್ಚುವರಿ ಜವಾಬ್ದಾರಿಯನ್ನು ವಹಿಸಲಾಗಿದ್ದು, ಫೆ.1ರಂದು ಪ್ರಸ್ತುತ ವಿರುವ ಎನ್‌ಡಿಎ ಸರಕಾರದ ಕೊನೆಯ ಮತ್ತು ಮಧ್ಯಾಂತರ ಬಜೆಟ್‌ ಅನ್ನು ಮಂಡಿಸಲಿದ್ದಾರೆ.

ಹಾಲಿ ಹಣಕಾಸು ಸಚಿವ ಅರುಣ್‌ ಜೇಟ್ಲಿ ಅವರು ಚಿಕಿತ್ಸೆಗಾಗಿ ಅಮೆರಿಕಕ್ಕೆ ತೆರಳಿದ್ದು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ವೈದ್ಯರು ಎರಡು ವಾರಗಳ ವಿಶ್ರಾಂತಿಗೆ ಸೂಚಿಸಿರುವುದರಿಂದ ಬಜೆಟ್‌ ಹೊತ್ತಿಗೆ ಬರುವುದು ಅನು ಮಾನ. ಹೀಗಾಗಿ ಜೇಟ್ಲಿ ಅವರು ಚೇತ ರಿಸಿ ಕೊಂಡು ಕರ್ತವ್ಯಕ್ಕೆ ಹಾಜರಾಗುವವರೆಗೂ ಗೋಯೆಲ್‌ ಅವರೇ ಹೆಚ್ಚುವರಿಯಾಗಿ ಜವಾಬ್ದಾರಿ ಹೊರಲಿದ್ದಾರೆ. ಜ. 31ರಿಂದ ಬಜೆಟ್‌ ಅಧಿವೇಶನ ಆರಂಭವಾಗಲಿದ್ದು, ಫೆ. 1ರಂದು ಕೇಂದ್ರ ಸರಕಾರ ತನ್ನ ಲೇಖಾನುದಾನ ಮಂಡಿಸಲಿದೆ. ಕಳೆದ ವರ್ಷವೂ ಜೇಟ್ಲಿ ಅವರು ಅನಾರೋಗ್ಯಕ್ಕೆ ತುತ್ತಾಗಿ ಸುದೀರ್ಘ‌ ರಜೆಗೆ ತೆರಳಿದ್ದಾಗ ಗೋಯೆಲ್‌ ಅವರೇ ವಿತ್ತ ಖಾತೆ ನಿರ್ವಹಿಸಿದ್ದರು.