ಶೀಘ್ರವೇ ಸೇನೆಗೆ ಸಿಗಲಿದೆ ಸ್ಮಾರ್ಟ್‌ ಬಾಂಬ್‌!

Team Udayavani, Jan 12, 2020, 7:00 AM IST

ನಾಗ್ಪುರ: ದೇಶದ ಸೇನಾಪಡೆಗೆ ಅತ್ಯಾಧುನಿಕ ಶಸ್ತ್ರಾಸ್ತ್ರ ನಿರ್ಮಿಸಲು ಶಸ್ತ್ರಾಸ್ತ್ರ ತಯಾರಿಕಾ ಕಾರ್ಖಾನೆಗಳ ಮಂಡಳಿ(ಒಎಪ್‌ಬಿ) ನಿರ್ಧರಿಸಿದೆ. ಅದಕ್ಕೆ ಮೊದಲ ಪ್ರಯತ್ನವಾಗಿ “ಸ್ಮಾರ್ಟ್‌ ಬಾಂಬ್‌’ ಅನ್ನು ಸಿದ್ಧಪಡಿಸಲು ಶುರು ಮಾಡುವುದಾಗಿ ಸಂಸ್ಥೆಯ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಇದರ ಜತೆಗೆ ಭಾರತೀಯ ಸೇನೆಗೆ ಸುಧಾರಿತ ಕಾಲಾಳು ಪಡೆ ಯುದ್ಧ ವಿಮಾನ (ಎಫ್ಐಸಿ) ತಯಾರಿಸುವುದಾಗಿ ಹೇಳಿದೆ. ಅಂಬಾಜ್‌ಗಿರಿಯಲ್ಲಿ ಇದೇ ಮೊದಲ ಬಾರಿಗೆ ಆಯೋಜಿಸಲಾಗಿದ್ದ ದೇಶದ 41 ಶಸ್ತ್ರಾಸ್ತ್ರ ತಯಾರಿಕಾ ಕಾರ್ಖಾನೆಗಳ ಕಾರ್ಮಿಕರ-ಉದ್ಯೋಗಿಗಳ ಪ್ರಥಮ ಸಮ್ಮೇಳನದಲ್ಲಿ ಈ ಮಾಹಿತಿ ನೀಡಲಾಗಿದೆ.

ಸ್ಮಾರ್ಟ್‌ ಬಾಂಬ್‌ ಅಥವಾ 81 ಮಿಮೀ, 51 ಮಿಮೀ, 120 ಮಿಮೀ ಮತ್ತು 130 ಮಿಮೀ ಒಳಅಳತೆಯ ಸುಧಾರಿತ ಫಿರಂಗಿಗಳನ್ನೂ ತಯಾರಿಸುವ ಯೋಜನೆ ಇದೆ. ಎಫ್ಐಸಿ ನಿರ್ಮಾಣ ಶೆ.85ರಷ್ಟು ಸಂಪೂರ್ಣಗೊಂಡಿದೆ ಎಂದು ಅವರು ಹೇಳಿದ್ದಾರೆ.