PM Modi Advise;ವಿಮಾನಗಳಿಗೆ ಬೆದರಿಕೆ ಕಡಿವಾಣಕ್ಕೆ ಸರಕಾರ ಮುಂದಾಗಬೇಕು

Team Udayavani, Oct 25, 2024, 12:52 AM IST

ಹೊಸದಿಲ್ಲಿ: “ದೇಶದಲ್ಲಿ ವಿಮಾನಗಳಿಗೆ ಹುಸಿ ಬಾಂಬ್‌ ಬೆದರಿಕೆ ಒಡ್ಡುತ್ತಿರುವ ದುಷ್ಕರ್ಮಿಗಳನ್ನು ಮಟ್ಟಹಾಕಲು ಸರಕಾರವೇ ಮನ್ನುಗ್ಗಬೇಕಿದೆ’- ಹೀಗೆಂದು ಖುದ್ದು ಪ್ರಧಾನಿ ನರೇಂದ್ರ ಮೋದಿಯವರೇ ಈ ಬಗ್ಗೆ ಸೂಚಿಸಿದ್ದಾರೆಂದು ಮೂಲಗಳು ತಿಳಿಸಿವೆ. ವಿಮಾನಗಳಿಗೆ ಬೆದರಿಕೆ ಒಡ್ಡುತ್ತಿರುವ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವಂತೆಯೇ ಪ್ರಧಾನಿಯವರ ಈ ನಡೆ ಮಹತ್ವ ಪಡೆದಿದೆ.

ಹುಸಿ ಬಾಂಬ್‌ ಕರೆಗಳನ್ನು ಗಂಭೀರ ಪ್ರಕರಣವೆಂದು ಪರಿಗಣಿಸುವುದರ ಜತೆಗೆ ಇಂಥ ಕೃತ್ಯಗಳನ್ನು ಎಸಗುವವರಿಗೆ ಕಾನೂನಾತ್ಮಕವಾಗಿ ಕಡಿವಾಣ ಹಾಕಲು ಅಗತ್ಯವಿರುವ ಶಾಸನಗಳನ್ನು ರಚಿಸಿ, ಆ ಮೂಲಕ ಶಿಕ್ಷಿಸುವ ಬಗ್ಗೆಯೂ ಸರಕಾರ ಗಮನಹರಿಸಬೇಕೆಂದು ಪ್ರಧಾನಿ ಸಲಹೆ ನೀಡಿದ್ದಾರೆಂದೂ ತಿಳಿದುಬಂದಿದೆ.

ಒಂದೇ ದಿನ 90 ಹುಸಿ ಕರೆ
ಗುರುವಾರ ಒಂದೇ ದಿನ ಕೋಲ್ಕತಾ-ಬೆಂಗಳೂರು, ಕೊಚ್ಚಿ- ಬೆಂಗಳೂರು ವಿಮಾನ ಸೇರಿ 90ಕ್ಕೂ ಅಧಿಕ ದೇಶೀಯ ವಿಮಾನಗಳಿಗೆ ಮತ್ತೆ ಹುಸಿ ಬಾಂಬ್‌ ಬೆದರಿಕೆ ಬಂದಿದೆ. ಏರ್‌ ಇಂಡಿಯಾ, ವಿಸ್ತಾರ, ಇಂಡಿಗೋ ಸಂಸ್ಥೆಯ ತಲಾ 20 ವಿಮಾನಗಳಿಗೆ ಹಾಗೂ ಆಕಾಶ ಏರ್‌ನ 13, ಅಲಯನ್ಸ್‌ ಏರ್‌, ಸ್ಪೈಸ್‌ ಜೆಟ್‌ನ ತಲಾ 5 ವಿಮಾನಗಳಿಗೆ ಬೆದರಿಕೆ ಒಡ್ಡಲಾಗಿದೆ. ಈ ಮೂಲಕ ಕಳೆದ 11 ದಿನಗಳಲ್ಲಿ 250 ವಿಮಾನಗಳಿಗೆ ಹುಸಿ ಬಾಂಬ್‌ ಬೆದರಿಕೆ ಒಡ್ಡಿದಂತಾಗಿದೆ.