ಪ್ರಧಾನಿ ಮೋದಿಯಿಂದ ದೇಶದ ಅತೀ ಉದ್ದದ ಸೇತುವೆ ಲೋಕಾರ್ಪಣೆ

Team Udayavani, May 26, 2017, 11:41 AM IST

ಹೊಸದಿಲ್ಲಿ : ಪ್ರಧಾನಿ ನರೇಂದ್ರ ಮೋದಿ ಅವರಿಂದು ಅಸ್ಸಾಂನಲ್ಲಿ ಬ್ರಹ್ಮಪುತ್ರಾ ನದಿಗೆ ನಿರ್ಮಿಸಲಾಗಿರುವ ದೇಶದ ಅತೀ ಉದ್ದದ ಸೇತುವೆಯನ್ನು ಉದ್ಘಾಟಿಸಿ ಲೋಕಾರ್ಪಣೆಗೈದರು.

9.5 ಕಿ.ಮೀ. ಉದ್ದದ ದೇಶದ ಈ ಹೆಮ್ಮೆಯ ಅತೀ ಉದ್ದದ ಸೇತುವೆಯು ಅಸ್ಸಾಂ ಮತ್ತು ಅರುಣಾಚಲ ಪ್ರದೇಶವನ್ನು ಜೋಡಿಸುತ್ತದೆ. ಧೋಲಾ – ಸಾಧಿಯಾ ಸಂಪರ್ಕಿಸುವ 2,056 ಕೋಟಿ ರೂ. ವೆಚ್ಚದ ಈ ಸೇತುವೆಯನ್ನು ಮೋದಿ ಅವರಿಂದು ಕೇಂದ್ರದಲ್ಲಿನ ತಮ್ಮ ಬಿಜೆಪಿ ಸರಕಾರ ಮೂರು ವರ್ಷಗಳನ್ನು ಪೂರೈಸಿರುವ ಸಂಭ್ರಮೋಲ್ಲಾಸಗಳ ನಡುವೆ ಉದ್ಘಾಟಿಸಿದರು. 

ಈ ಸೇತುವೆಯಿಂದಾಗಿ ಅಸ್ಸಾಂನಲ್ಲಿನ ಎನ್‌ಎಚ್‌ 37ರಲ್ಲಿರು ರೂಪೈ ಮತ್ತು ಅರುಣಾಚಲ ಪ್ರದೇಶದ ಎನ್‌ಎಚ್‌ 52ರಲ್ಲಿರುವ ಮೇಕಾ-ರೋಯಿಂಗ್‌ ನಡುವಿನ ದೂರವನ್ನು 165 ಕಿ.ಮೀ.ಗಳಷ್ಟು ಉಳಿಸುವುದಲ್ಲದೆ ಪ್ರಯಾಣ ಕಾಲವನ್ನು ಆರು ತಾಸುಗಳಷ್ಟು ಕಡಿಮೆ ಮಾಡುವುದು. ಇದರಿಂದಾಗಿ ದಿನಕ್ಕೆ 10 ಲಕ್ಷ ರೂ.ಮೌಲದ್ಯ ಪೆಟ್ರೋಲ್‌ ಮತ್ತು ಡೀಸಿಲ ದೇಶಕ್ಕೆ ಉಳಿತಾಯವಾಗುವುದು.