Jharkhand; ವಿಮಾನದಲ್ಲಿ ತಾಂತ್ರಿಕ ದೋಷ: 2 ಗಂಟೆ ಕಾದ ಪ್ರಧಾನಿ ಮೋದಿ

Team Udayavani, Nov 16, 2024, 12:27 AM IST

ರಾಂಚಿ: ಝಾರ್ಖಂಡ್‌ನ‌ ದೇವಘರ್‌ನಲ್ಲಿ ನಡೆದ ರ್‍ಯಾಲಿಯ ಬಳಿಕ ಪ್ರಧಾನಿ ನರೇಂದ್ರ ಮೋದಿ ಅವರು ದಿಲ್ಲಿಗೆ ಪ್ರಯಾಣಿಸಬೇಕಿದ್ದ ವಿಮಾನದಲ್ಲಿ ತಾಂತ್ರಿಕ ದೋಷ ಕಂಡುಬಂದಿತ್ತು. ಹೀಗಾಗಿ ವಿಮಾನ ನಿಲ್ದಾಣದಲ್ಲೇ 2 ಗಂಟೆಗಳ ಕಾಲ ಕಾದ ಮೋದಿ, ವಾಯುಪಡೆಯ ಮತ್ತೊಂದು ವಿಮಾನದಲ್ಲಿ ದಿಲ್ಲಿಗೆ ಪ್ರಯಾಣಿಸಿದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮೋದಿ ವಿಮಾನ ಮತ್ತೆ ಟೇಕಾಫ್ ಆಗುವ ವೇಳೆ ತಾಂತ್ರಿಕ ದೋಷಕ್ಕೆ ತುತ್ತಾ ಯಿತು. ಇದನ್ನು ಸರಿಪಡಿಸಲು ಸಿಬಂದಿ ಸಾಕಷ್ಟು ಪ್ರಯತ್ನ ಪಟ್ಟರೂ ಸರಿಯಾಗದ ಹಿನ್ನೆಲೆಯಲ್ಲಿ ಮೋದಿ ಮತ್ತೂಂದು ವಿಮಾನದಲ್ಲಿ ದಿಲ್ಲಿಗೆ ಪ್ರಯಾಣಿಸಿದರು ಎಂದು ಡೀಸಿ ವಿಶಾಲ್‌ ಸಾಗರ್‌ ಹೇಳಿದ್ದಾರೆ.

ಕಾಳಜಿ ಇಲ್ಲದವರಿಗೆ ಮೋದಿ ಪೂಜೆ: ಝಾರ್ಖಂಡ್‌ನ‌ಲ್ಲಿ ಆಯೋಜಿಸಲಾಗಿದ್ದ ಬುಡಕಟ್ಟು ನಾಯಕ ಬಿರ್ಸಾ ಮುಂಡಾ ಅವರ 150ನೇ ಜಯಂತಿ ಕಾರ್ಯ ಕ್ರಮದಲ್ಲಿ ಭಾಗವಹಿಸಿದ ಮೋದಿ ಅವರು, ಯಾರ ಬಗ್ಗೆ ಕಡಿಮೆ ಕಾಳಜಿ ಮಾಡಲಾಗುತ್ತದೋ ಅವರನ್ನು ಮೋದಿ ಪೂಜಿಸುತ್ತಾರೆ ಎಂದು ಹೇಳಿದ್ದಾರೆ.