PM Modi ಇಂದಿನಿಂದ 2 ದಿನ ಯುಎಇ ಪ್ರವಾಸ: ದೇಗುಲ ಉದ್ಘಾಟನೆ, ದ್ವಿಪಕ್ಷೀಯ ಮಾತುಕತೆ

Team Udayavani, Feb 13, 2024, 6:20 AM IST

ಹೊಸದಿಲ್ಲಿ : ಪ್ರಧಾನಿ ನರೇಂದ್ರ ಮೋದಿ ಮಂಗಳವಾರ ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ (ಯುಎಇ)ಗೆ 2 ದಿನಗಳ ಪ್ರವಾಸ ಕೈಗೊಳ್ಳಲಿದ್ದಾರೆ. 2014ರಿಂದ ಈವ ರೆಗೆ ಮೋದಿಯವರ 7ನೇ ಯುಎಇ ಭೇಟಿ ಇದಾಗಿದೆ.

ಯುಎಇ ಭೇಟಿ ವೇಳೆ ಪ್ರಧಾನಿ ಮೋದಿ ಅವರು ಯುಎಇ ಅಧ್ಯಕ್ಷ ಶೇಖ್‌ ಮೊಹಮ್ಮದ್‌ ಬಿನ್‌ ಜಾಯೆದ್‌ ಅಲ್‌ ನಹ್ಯಾನ್‌ ಅವರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ. ವಿವಿಧ ಕ್ಷೇತ್ರಗಳಲ್ಲಿ ಉಭಯ ರಾಷ್ಟ್ರಗಳ ಸಹಯೋಗವನ್ನು ವಿಸ್ತರಿಸುವುದರ ಜತೆಗೆ ವ್ಯೂಹಾತ್ಮಕ ಪಾಲುದಾರಿಕೆ ಬಲಪಡಿಸುವ ಕುರಿತು ಚರ್ಚೆ ನಡೆಯಲಿದೆ. ಯುಎಇ ಉಪಾಧ್ಯಕ್ಷ, ಪ್ರಧಾನಿ ಮೊಹಮ್ಮದ್‌ ಬಿನ್‌ ರಶೀದ್‌ ಅಲ್‌ ಮಕೌ¤ಮ್‌ ಅವರನ್ನೂ ಭೇಟಿ ಮಾಡಲಿರುವ ಮೋದಿ, ದುಬಾೖ ಯಲ್ಲಿ ನಡೆಯಲಿರುವ ವಿಶ್ವ ಸರಕಾರಿ ಶೃಂಗಸಭೆಯಲ್ಲಿ ಗೌರವ ಅತಿಥಿಯಾಗಿ ಪಾಲ್ಗೊಂಡು ವಿಶೇಷ ಭಾಷಣ ಮಾಡಲಿದ್ದಾರೆ. ಬಳಿಕ, ಪ್ರವಾಸದ ಪ್ರಮುಖ ಭಾಗವಾಗಿ ಅಬುಧಾಬಿಯಲ್ಲಿ ನಿರ್ಮಾಣಗೊಂಡಿರುವ ಯುಎಇಯ ಮೊದಲ ಶಿಲಾ ದೇಗುಲ, ಬೋಚಾಸನವಾಸಿ ಅಕ್ಷರ ಪುರುಷೋತ್ತಮ ಸ್ವಾಮಿನಾರಾಯಣ ಸಂಸ್ಥಾ (ಬಿಎಪಿಎಸ್‌)ವನ್ನು ಉದ್ಘಾಟಿಸಲಿದ್ದಾರೆ.

#WATCH | PM Modi will inaugurate Bochasanwasi Akshar Purushottam Swaminarayan Sanstha (BAPS) Mandir, the first Hindu temple in Abu Dhabi, on February 14 pic.twitter.com/WYZqmOwRQu

— ANI (@ANI) February 12, 2024

ಭಾರತೀಯ ಚಿಣ್ಣರಿಂದ ಸಿದ್ಧತೆ
ಯುಎಇಯಲ್ಲಿ ಒಟ್ಟು 35 ಲಕ್ಷ ಭಾರತೀಯರಿದ್ದಾರೆ. ದೇಗುಲ ಉದ್ಘಾಟನೆಯಲ್ಲಿ ಪಾಲ್ಗೊಳ್ಳುವ ಅತಿಥಿಗಳಿಗೆ ಉಡುಗೊರೆಯಾಗಿ ನೀಡಲು ಅಲ್ಲಿನ 100 ಭಾರತೀಯ ವಿದ್ಯಾರ್ಥಿಗಳು “ಸಣ್ಣ ಶಿಲೆ'(ಟೈನಿ ಟ್ರೆಷ ರ್‌)ಗಳಿಗೆ ಬಣ್ಣ ಹಚ್ಚಿಟ್ಟುಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿದೆ.

“ಹಲೋ ಮೋದಿ’ ಭಾಗಿದಾರರ ಸಂಖ್ಯೆ ಕಡಿತ
ಪ್ರಧಾನಿ ಮೋದಿಯ ಯುಎಇ ಭೇಟಿಯ ಭಾಗವಾಗಿ ಅಬುಧಾಬಿಯ ನ್ಪೋಟ್ಸ್‌ ಸಿಟಿ ಸ್ಟೇಡಿಯಂನಲ್ಲಿ ಮಂಗಳವಾರ “ಅಹ್ಲಾನ್‌ ಮೋದಿ’ (ಅರೇಬಿಕ್‌ನಲ್ಲಿ “ಹಲೋ ಮೋದಿ’) ವಿಶೇಷ ಕಾರ್ಯಕ್ರಮ ನಡೆಯಲಿದೆ. ಇದರಲ್ಲಿ ಪಾಲ್ಗೊಳ್ಳಲು ಬರೋಬ್ಬರಿ 80 ಸಾವಿರ ಮಂದಿ ಈ ಮೊದಲು ನೋಂದಾಯಿಸಿಕೊಂಡಿದ್ದರು. ಆದರೆ ಇದೇ ದಿನ ಯುಎಇಯಾದ್ಯಂತ ರಾತ್ರಿಯಿಡೀ ಗುಡುಗು ಸಹಿತ ಮಳೆಯಾಗುವ ಮುನ್ಸೂಚನೆಯ ಕಾರಣ, ಭಾಗವಹಿಸುವವರ ಸಂಖ್ಯೆಯನ್ನು 35 ಸಾವಿರಕ್ಕೆ ಕಡಿತಗೊಳಿಸಲಾಗಿದೆ ಎಂದು ಆಯೋಜಕರು ಹೇಳಿದ್ದಾರೆ.