Jammu-Kashmir; ಜೈಶ್‌ನಿಂದ ಭಾರತ ವಿರೋಧಿ ವಿಡಿಯೋ: ಫಾರ್ವರ್ಡ್‌ ಮಾಡದಂತೆ ಎಚ್ಚರಿಕೆ!

Team Udayavani, Jul 22, 2024, 9:22 PM IST

ಶ್ರೀನಗರ: ಜಮ್ಮು-ಕಾಶ್ಮೀರದಲ್ಲಿ ಭದ್ರತಾಪಡೆಗಳ ವಿರುದ್ಧ ಜನರ ಮನಸ್ಸಲ್ಲಿ ದ್ವೇಷವನ್ನು ಹುಟ್ಟಿಸಲು ಹಾಗೂ ರಾಷ್ಟ್ರ ವಿರೋಧಿ ಕೃತ್ಯಗಳಿಗೆ ಪ್ರೇರೇಪಿಸುವಂಥ ವಿಡಿಯೋವೊಂದನ್ನು ನಿಷೇಧಿತ ಭಯೋತ್ಪಾದಕ ಸಂಘಟನೆ ಜೈಶ್‌-ಎ-ಮೊಹಮ್ಮದ್‌ ಸಾಮಾಜಿಕ ಜಾಲತಾಣದಲ್ಲಿ ಬಿಡುಗಡೆಗೊಳಿಸಿದೆ.

ಈ ವಿಡಿಯೋವನ್ನು ಯಾರಿಗೂ ಫಾರ್ವರ್ಡ್‌ ಮಾಡದಂತೆ, ಹಂಚದಂತೆ ಕಣಿವೆ ಪೊಲೀಸರು ಜನರಿಗೆ ಎಚ್ಚರಿಕೆ ನೀಡಿದ್ದಾರೆ. ಅಲ್ಲದೇ, ವಿಡಿಯೋವನ್ನು ಶೇರ್‌ ಮಾಡಿದರೆ ಕಾನೂನುಬಾಹಿರ ಚಟುವಟಿಕೆ ತಡೆ ಕಾಯ್ದೆ (ಯುಎಪಿಎ) ಅನ್ವಯ ದೂರು ದಾಖಲಿಸುವ ಸಾಧ್ಯತೆಗಳ ಬಗ್ಗೆಯೂ ಎಚ್ಚರಿಸಿದ್ದಾರೆ.

ಜೈಶ್‌ ಉಗ್ರರು ಬಿಡುಗಡೆಗೊಳಿಸಿರುವ ವಿಡಿಯೋ 55 ಸೆಕೆಂಡ್‌ನ‌ದ್ದಾಗಿದ್ದು, ಬಾಲಿವುಡ್‌ ಸಿನಿಮಾ ಫ್ಯಾಂಟಮ್‌ನ ಪೋಸ್ಟರ್‌ ಅನ್ನು ಅಳವಡಿಸಿಕೊಂಡು ವಿಡಿಯೋ ಹರಿಬಿಡಲಾಗಿದೆ. ಅದರಲ್ಲಿ ಸೂಕ್ಷ್ಮ ಮನಸ್ಸಿಗರನ್ನು ದೇಶ ವಿರೋಧಿ ಕೃತ್ಯಕ್ಕೆ ಸೆಳೆಯುವ ಅಂಶಗಳಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.