ಲಾಕ್‍ಡೌನ್ ಜಾರಿ ನಂತರ ಮಾಂಡೋವಿ ನದಿಯಲ್ಲಿ ಮಾಲಿನ್ಯ ನಿಯಂತ್ರಣ

Team Udayavani, May 23, 2021, 9:04 PM IST

ಪಣಜಿ: ಗೋವಾ ರಾಜ್ಯದಲ್ಲಿ ಕರೋನಾ ಸೋಂಕು ಹರಡುವುದನ್ನು ನಿಯಂತ್ರಿಸಲು ಲಾಕ್‍ಡೌನ್ ಜಾರಿಯಾದ ನಂತರ ಮಾಂಡೋವಿ (ಮಹದಾಯಿ) ನದಿಯಲ್ಲಿ ಮಾಲಿನ್ಯ ನಿಯಂತ್ರಣಕ್ಕೆ ಬಂದಿದೆ ಎಂದು ರಾಷ್ಟ್ರೀಯ ಸಮುದ್ರವಿಜ್ಞಾನ ಸಂಸ್ಥೆಯ(ಎನ್‍ಐಒ) ಶಾಸ್ತ್ರಜ್ಞರು ನಡೆಸಿರುವ ತಪಾಸಣೆಯಿಂದ ಕಂಡುಬಂದಿದೆ.

ನದಿ ನೀರಿನಲ್ಲಿ ಉಂಟಾಗುತ್ತಿದ್ದ ಮಾಲಿನ್ಯ ನಿಯಂತ್ರಣಕ್ಕೆ ಬಂದು ನೀರಿನಲ್ಲಿ ವನಸ್ಪತಿಯ ಹೆಚ್ಚಳವಾಗಿದೆ ಎಂಬುದು ಶಾಸ್ತ್ರಜ್ಞರಿಗೆ ಕಂಡುಬಂದಿದೆ.

ಈ ಕುರಿತಂತೆ ಸಮುದ್ರ ವಿಜ್ಞಾನ ಸಂಸ್ಥೆ ತನ್ನ ರಿಸರ್ಚ ರಿಪೋರ್ಟ ಬಿಡುಗಡೆಗೊಳಿಸಿದ್ದು- ನದಿ ನೀರಿನ ಗುಣವತ್ತತೆಯ ಅಭ್ಯಾಸವನ್ನು ಭೌತಿಕ, ರಾಸಾಯನಿಕ, ಜೈವಿಕ, ಮತ್ತು ಸೂಕ್ಷ್ಮಜೈವಿಕ ಈ ಪದ್ಧತಿಯಲ್ಲಿ ಮಾಂಡವಿ ನದಿ ನೀರಿನ ಪರೀಕ್ಷೆ ನಡೆಸಲಾಗಿ ನೀರಿನಲ್ಲಿ ಮಾಲಿನ್ಯಕಾರಿ ಅಂಶಗಳು ಕಡಿಮೆಯಾಗಿರುವುದು ಕಂಡುಬಂದಿದೆ.

ರಾಷ್ಟ್ರೀಯ ಸಮುದ್ರ ವಿಜ್ಞಾನ ಸಂಸ್ಥೆ ಗೋವಾದ ಮಾಂಡವಿ ಮತ್ತು ಜುವಾರಿ ಈ ಎರಡೂ ನದಿಗಳ ಅಭ್ಯಾಸವನ್ನು 2014 ರಿಂದ ನಡೆಸುತ್ತಾ ಬಂದಿದೆ. ಎ.ಡಾಯಸ್, ಎಸ್ ಕುರಿಯನ್, ಎಸ್.ಥಾಯಪುರತ್, ಎ.ಕೆ.ಪ್ರತಿಹರಿ ಮತ್ತಿತರ ಶಾಸ್ತ್ರಜ್ಞರು ಈ ತಪಾಸಣೆಯಲ್ಲಿ ಪಾಲ್ಗೊಂಡಿದ್ದರು ಎಂದು ಎನ್‍ಐಒ ಹೇಳಿದೆ.