ಪೊಲೀಸ್‌ ವ್ಯವಹಾರದಲ್ಲಿ ಪುದುಚೇರಿ ಸಿಎಂ ಹಸ್ತಕ್ಷೇಪ : ಬಿಜೆಪಿ ಆರೋಪ

Team Udayavani, Dec 21, 2018, 4:33 PM IST

ಪುದುಚೇರಿ : ಪುದುಚೇರಿ ಮುಖ್ಯಮಂತ್ರಿ ವಿ ನಾರಾಯಣಸಾಮಿ ಅವರು ಪೊಲೀಸ್‌ ವ್ಯವಹಾರದಲ್ಲಿ ಹಸ್ತಕ್ಷೇಪ ನಡೆಸುತ್ತಿದ್ದಾರೆ ಎಂದು ಬಿಜೆಪಿ ಆರೋಪಿಸಿದೆ. 

ಪುದುಚೇರಿಯ ಲೆಫ್ಟಿನೆಂಟ್‌ ಗವರ್ನರ್‌ (ರಾಜ್ಯಪಾಲರು) ಸುಲಲಿತ ಸಾರಿಗೆ ವ್ಯವಸ್ಥೆಗಾಗಿ ನೀಡುವ ಯಾವುದೇ ಬಾಯ್ದೆರೆಯ ಆದೇಶಗಳನ್ನು ಪೊಲೀಸರು ಪಾಲಿಸಬೇಕಾಗಿಲ್ಲ ಎಂದು ಮುಖ್ಯ ಮಂತ್ರಿ ಹೇಳಿರುವುದಕ್ಕೆ ತೀವ್ರ ಆಕ್ಷೇಪ ಎತ್ತಿರುವ ಬಿಜೆಪಿ ಸ್ಥಳೀಯ ಘಟಕದ ಮುಖ್ಯಸ್ಥ ವಿ ಸಾಮಿನಾಥನ್‌, ಮುಖ್ಯಮಂತ್ರಿಗಳು ಈ ರೀತಿಯ ನಿರ್ದೇಶ ನೀಡುವುದು ಸಂಪೂರ್ಣ ಅಸ್ವೀಕಾರಾರ್ಹ ವಾದುದು ಎಂದು ಹೇಳಿದ್ದಾರೆ. 

ಸರಕಾರದ ಮುಖ್ಯಸ್ಥರು ನೀಡುವ ಲಿಖೀತ ಅಥವಾ ಬಾಯ್ದೆರೆಯ ಆದೇಶಗಳನ್ನು ಪಾಲಿಸುವುದು ಎಲ್ಲ ಇಲಾಖೆಗಳ ಕರ್ತವ್ಯ ಎಂದು ನಾಮಾಂಕಿತ ಶಾಸಕರಾಗಿರುವ ಸಾಮಿನಾಥನ್‌ ಹೇಳಿದರು.