ಇವು ಅತ್ಯಂತ ಹಾಟ್‌ ಲೋಕಸಭಾ ಕ್ಷೇತ್ರಗಳು

Team Udayavani, May 17, 2019, 11:22 AM IST

ಸ್ಪರ್ಧೆಯಲ್ಲಿರುವ ಇಬ್ಬರು ನಾಯಕರು ಸಮಬಲರೇ ಆಗಿರುವ  ಅತ್ಯಂತ ಹಾಟ್‌ ಲೋಕಸಭಾ ಕ್ಷೇತ್ರಗಳು ಇವು

ಅಮೇಠಿ (ಉತ್ತರ ಪ್ರದೇಶ)
ರಾಹುಲ್‌ ಗಾಂಧಿ (ಕಾಂಗ್ರೆಸ್‌) Vs ಸ್ಮತಿ ಇರಾನಿ (ಬಿಜೆಪಿ)
* ರಾಯ್‌ಬರೇಲಿಯಂತೆ ಇದೂ ಕಾಂಗ್ರೆಸ್‌ನ ಕ್ಷೇತ್ರ. 98-99ರ ಅವಧಿಯಲ್ಲಿ ಮಾತ್ರ ಬಿಜೆಪಿ ಗೆದ್ದಿತ್ತು
* ಕಳೆದ ಬಾರಿ ರಾಹುಲ್‌ ಗೆದ್ದ ಮತಗಳ ಅಂತರ 1,08,173 ಮಾತ್ರ. ಜತೆಗೆ ಇರಾನಿಗೆ ಕ್ಷೇತ್ರದ ಜನತೆ ಜತೆಗೆ ನಿಕಟ ಸಂಪರ್ಕವಿದೆ
* ಪ್ರಧಾನಿ ಮೋದಿ, ಅಮಿತ್‌ ಶಾ ಇರಾನಿ ಪರ ಪ್ರಚಾರ ನಡೆಸಿದ್ದಾರೆ. ಹೀಗಾಗಿ, ತುರುಸಿನ ಸ್ಪರ್ಧೆ ಇದೆ.

ಭೋಪಾಲ (ಮಧ್ಯಪ್ರದೇಶ)
ಸಾಧ್ವಿ ಪ್ರಜ್ಞಾ ಸಿಂಗ್‌ (ಬಿಜೆಪಿ) Vs ದಿಗ್ವಿಜಯ ಸಿಂಗ್‌ (ಕಾಂಗ್ರೆಸ್‌)
* ದಿಗ್ವಿಜಯ ಸಿಂಗ್‌ಗೆ ಕಠಿಣ ಚುನಾವಣೆ ಇದು ಎಂಬ ವಿಶ್ಲೇಷಣೆ ಎಲ್ಲೆಡೆ ಕೇಳಿ ಬರುತ್ತಿದೆ
*1989ರಿಂದಲೂ ಈ ಕ್ಷೇತ್ರದಲ್ಲಿ ಬಿಜೆಪಿಯೇ ಗೆಲ್ಲುತ್ತಿದೆ. ಇದರ ಜತೆಗೆ ವಿಧಾನಸಭೆ ಚುನಾವಣೆಯಲ್ಲಿಯೂ 8 ಕ್ಷೇತ್ರಗಳ ಪೈಕಿ ಕಾಂಗ್ರೆಸ್‌ ಗೆದ್ದದ್ದು 2ರಲ್ಲಿ ಮಾತ್ರ
* ಹಿಂದೂ ಭಯೋತ್ಪಾದನೆ ಎಂದಿದ್ದ ಸಿಂಗ್‌ ವಿರುದ್ಧ ಪ್ರಜ್ಞಾರನ್ನು ನಿಲ್ಲಿಸಿದ್ದು ಬಿಜೆಪಿಯ ವ್ಯೂಹಾತ್ಮಕ ನಿರ್ಧಾರವೆನ್ನಲಾಗುತ್ತಿದೆ.

ರಾಮ್‌ಪುರ (ಉತ್ತರ ಪ್ರದೇಶ)
ಜಯಪ್ರದಾ (ಬಿಜೆಪಿ) Vs ಆಜಂ ಖಾನ್‌ (ಎಸ್‌ಪಿ)
* ಎಸ್‌ಪಿಯಿಂದ 2 ಬಾರಿ ಆಯ್ಕೆಯಾಗಿದ್ದ ಕ್ಷೇತ್ರದಲ್ಲಿ ಮತ್ತೆ ಬಿಜೆಪಿಯಿಂದ ಜಯಾ ಸ್ಪರ್ಧೆ
* ಸದ್ಯ ಅಲ್ಲಿ ಬಿಜೆಪಿ ಸಂಸದರೇ ಇದ್ದರೂ, ಎಸ್‌ಪಿ ಪ್ರಭಾವ ಹೆಚ್ಚಾಗಿಯೇ ಇದೆ. ಹಿಂದಿನ ಬಾರಿ ಜಯಪ್ರದಾಗೆ ಗೆಲ್ಲಲು ನೆರವಾಗಿದ್ದರು ಆಜಂಖಾನ್‌.
* ಎಸ್‌ಪಿ-ಬಿಎಸ್‌ಪಿ ಮೈತ್ರಿ ಮಾಜಿ ಸಚಿವ ಅಜಂಖಾನ್‌ಗೆ ನೆರವಾಗುವುದಿ ದ್ದರೆ, ಜಯಪ್ರದಾಗೆ ಮೋದಿ ಪ್ರಭಾವಳಿ ಇದೆ.

ತಿರುವನಂತಪುರ (ಕೇರಳ)

ಶಶಿ ತರೂರ್‌ (ಕಾಂಗ್ರೆಸ್‌) Vs ಕುಮ್ಮನಮ್‌ ರಾಜಶೇಖರನ್‌ (ಬಿಜೆಪಿ)
* 2 ಬಾರಿ ಸಂಸದರಾಗಿರುವ ತರೂರ್‌ ವಿರುದ್ಧ ಕುಮ್ಮನಮ್‌ರನ್ನು ಕಣಕ್ಕೆ ಇಳಿಸಲಾಗಿದೆ. ಹಿಂದಿನ ಗೆಲವಿನ ಅಂತರ 15 ಸಾವಿರ ಮತ.
* ಶಬರಿಮಲೆ ವಿವಾದ ಮುಂದಿಟ್ಟುಕೊಂಡು ಸ್ಪರ್ಧೆ ಮಾಡಿರುವ ಬಿಜೆಪಿ ಈ ಕ್ಷೇತ್ರದ ಮೂಲಕ ಖಾತೆ ತೆರೆಯಲು ಮುಂದಾಗಿದೆ.
* ಹಿಂದಿನ ಬಾರಿಯ ಮತದಾನದಲ್ಲಿ ಬಿಜೆಪಿಯ ಶೇಕಡಾವಾರು ಮತ ವೃದ್ಧಿಸಿದ್ದರೆ, ಕಾಂಗ್ರೆಸ್‌ನದ್ದು ಇಳಿಕೆಯಾಗಿತ್ತು.

ಪಾಟ್ನಾ ಸಾಹಿಬ್‌ (ಬಿಹಾರ)

ರವಿಶಂಕರ ಪ್ರಸಾದ್‌ (ಬಿಜೆಪಿ) Vsಶತ್ರುಘ್ನ ಸಿನ್ಹಾ (ಕಾಂಗ್ರೆಸ್‌)
* ಬಿಜೆಪಿಯಲ್ಲಿದ್ದ ಶತ್ರುಘ್ನ ಸಿನ್ಹಾ ಕಾಂಗ್ರೆಸ್‌ ಸೇರಿದ್ದಾರೆ. ಕೇಂದ್ರ ಸಚಿವ ರವಿಶಂಕರ ಪ್ರಸಾದ್‌ ಬಿಜೆಪಿ ಹುರಿಯಾಳು.
* ಇಬ್ಬರು ನಾಯಕರು ಕಾಯಸ್ಥ ಸಮುದಾಯದವರೇ ಆಗಿರುವುದರಿಂದ ಜನರ ಆಯ್ಕೆಯ ಬಗ್ಗೆ ಕುತೂಹಲವಿದೆ.
* ಆರು ವಿಧಾನಸಭಾ ಕ್ಷೇತ್ರಗಳಲ್ಲಿ 4ರಲ್ಲಿ ಬಿಜೆಪಿ, 1ರಲ್ಲಿ ಜೆಡಿಯು ಶಾಸಕರು ಇರುವುದು ರವಿಶಂಕರ್‌ ಪ್ರಸಾದ್‌ಗೆ ಧನಾತ್ಮಕ ಬೆಳವಣಿಗೆ.