ಹೇಗಿರಲಿದೆ ಅನ್ ಲಾಕ್ 3.0: ಚಿತ್ರಮಂದಿರ, ಜಿಮ್ ತೆರೆಯಲು ಅವಕಾಶ ಸಾಧ್ಯತೆ

Team Udayavani, Jul 26, 2020, 4:58 PM IST

ಹೊಸದಿಲ್ಲಿ: ಕೋವಿಡ್-19 ಸೋಂಕು ತಡೆಯಲು ಹೇರಲಾಗಿದ್ದ ಲಾಕ್ ಡೌನ್ ಅನ್ನು ಹಂತಹಂತವಾಗಿ ತೆರವುಗೊಳಿಸಲಾಗುತ್ತಿದೆ. ಸದ್ಯ ಎರಡನೇ ಹಂತ್ ಅನ್ ಲಾಕ್ ಅವಧಿ ನಡೆಯುತ್ತಿದ್ದು, ಆಗಸ್ಟ್ 1ರಿಂದ ಅನ್ ಲಾಕ್ 3.0 ಆರಂಭವಾಗಲಿದೆ.

ಆಗಸ್ಟ್ 1ರ ನಂತರ ಇನ್ನೂ ಕೆಲವು ವಿಚಾರಗಳಿಗೆ ಸರ್ಕಾರ ನಿರ್ಬಂಧ ತೆರವು ಮಾಡಬಹುದು ಎನ್ನಲಾಗಿದೆ. ಆದರೆ ಶಾಲಾ ಕಾಲೇಜುಗಳು ಮತ್ತು ಮಟ್ರೋ ರೈಲು ಸಂಚಾರದ ಮೇಲೆ ನಿರ್ಬಂಧ ಮುಂದುವರಿಯಲಿದೆ ಎನ್ನಲಾಗಿದೆ.

ಒಂದು ಮೂಲದ ವರದಿಯ ಪ್ರಕಾರ ಮೂರನೇ ಹಂತದ ಅನ್ ಲಾಕ್ ಅವಧಿಯಲ್ಲಿ ಚಿತ್ರಮಂದಿರಗಳು ಮತ್ತು ಜಿಮ್ ಗಲನ್ನು ತೆರೆಯಲು ಅವಕಾಶ ನೀಡಬಹುದು. ಚಿತ್ರಮಂದಿರಗಳಲ್ಲಿ ಸಾಮಾಜಿಕ ಅಂತರದೊಂದಿಗೆ ಸೀಟುಗಳನ್ನು ವ್ಯವಸ್ಥೆ ಮಾಡಿ, ಕೋವಿಡ್ ಮಾರ್ಗಸೂಚಿ ಪಾಲಿಸಿದಲ್ಲಿ ಅವಕಾಶ ನೀಡಬಹುದು ಎಂದು ವರದಿಯಾಗಿದೆ.

ಚಿತ್ರ ಮಂದಿರಗಳಲ್ಲಿ ಶೇ.50 ರಷ್ಟು ಆಸನಗಳ ವ್ಯವಸ್ಥೆ ಮಾಡಿ ಮಂದಿರ ತೆರೆಯಲು ಥಿಯೇಟರ್ ಮಾಲಕರು ಆಸಕ್ತಿ ಹೊಂದಿದ್ದಾರೆ ಎನ್ನಲಾಗಿದೆ. ಕಳೆದ ನಾಲ್ಕು ತಿಂಗಳಿನಿಂದ ದೇಶದ ಎಲ್ಲಾ ಚಿತ್ರಮಂದರ ಗಳು ಬಂದ್ ಆಗಿದೆ. ಹೀಗಾಗಿ ಕೆಲವು ಚಿತ್ರಗಳು ಓಟಿಟಿ ವೇದಿಕೆಯಲ್ಲಿ ಬಿಡುಗಡೆಯಾಗುತ್ತಿದೆ.