ಬಿಹಾರ ಚುನಾವಣೆ ಮುಂದೂಡಿ: ಆಯೋಗಕ್ಕೆ ಎಲ್‌ಜೆಪಿ ಒತ್ತಾಯ

Team Udayavani, Aug 1, 2020, 8:22 AM IST

ಪಟ್ನಾ: ಕೋವಿಡ್ ಸೋಂಕಿನ ಸಂಕಷ್ಟದ ಈ ಸಮಯದಲ್ಲಿ ಬಿಹಾರ ವಿಧಾನಸಭೆಗೆ ಚುನಾವಣೆ ನಡೆಸುವುದು ಸೂಕ್ತವಲ್ಲ ಎಂದಿರುವ ಬಿಜೆಪಿ- ಜೆಡಿಯು ಮಿತ್ರಪಕ್ಷ‌ ಎಲ್‌ಜೆಪಿ ನಾಯಕ ಚಿರಾಗ್‌ ಪಾಸ್ವಾನ್‌, ಚುನಾವಣೆಯನ್ನು ಮುಂದೂ ಡುವಂತೆ ಕೋರಿ ಚುನಾವಣಾ ಆಯೋಗಕ್ಕೆ ಪತ್ರ ಬರೆದಿದ್ದಾರೆ. ಚಿರಾಗ್‌ ಪತ್ರವು ಬಿಹಾರದಲ್ಲಿ ಎನ್‌ಡಿಎ ಮಿತ್ರಪಕ್ಷಗಳ ನಡುವೆಯೇ ಭಿನ್ನಮತ ಇರುವ ಕುರಿತು ಅನುಮಾನ ಮೂಡಿಸಿದೆ. ಅಕ್ಟೋಬರ್‌-ನವೆಂಬರ್‌ ಅವಧಿಯಲ್ಲಿ ಸೋಂಕು ಬಿಹಾರದಲ್ಲಿ ತೀವ್ರತೆ ಪಡೆಯಲಿದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ. ಇಂಥ ಸಮಯದಲ್ಲಿ ಚುನಾವಣಾ ಪ್ರಚಾರ, ಮತಯಂತ್ರಗಳ ಬಳಕೆ ಮುಂತಾದ ಕ್ರಮಗಳಿಂದ ರಾಜಕಾರಣಿಗಳು ಹಾಗೂ ಮತದಾರರಿಗೂ ಸೋಂಕು ಹಬ್ಬುವ ಸಾಧ್ಯತೆಯಿದೆ ಎಂದು ಪತ್ರದಲ್ಲಿ ಕೋರಿದ್ದಾರೆ.