ಕಾರ್ಪೊರೇಟ್‌ ಲಾಬಿದಾರನಿಗೆ ಪ್ರಫ‌ುಲ್‌ ಪಟೇಲ್‌ ಮಿತ್ರ!

Team Udayavani, Jun 11, 2019, 6:10 AM IST

ಹೊಸದಿಲ್ಲಿ: ಕಾರ್ಪೊರೇಟ್‌ ಲಾಬಿದಾರ ದೀಪಕ್‌ ತಲ್ವಾರ್‌ ಹಾಗೂ ಮಾಜಿ ನಾಗರಿಕ ವಿಮಾನಯಾನ ಸಚಿವ ಪ್ರಫ‌ುಲ್‌ ಪಟೇಲ್‌ ಆತ್ಮೀಯ ಸ್ನೇಹಿತ ರಾಗಿದ್ದರು ಎಂದು ಜಾರಿ ನಿರ್ದೇಶ ನಾಲಯವು ದಿಲ್ಲಿ ಕೋರ್ಟ್‌ಗೆ ಸಲ್ಲಿಸಿದ ಚಾರ್ಜ್‌ಶೀಟ್‌ನಲ್ಲಿ ವಿವರಿಸಿದೆ. ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎನ್‌ಸಿಪಿ ಮುಖಂಡ ಪಟೇಲ್‌ರನ್ನು ಸೋಮವಾರ ಜಾರಿ ನಿರ್ದೇಶನಾಲಯ ವಿಚಾರಣೆ ನಡೆಸಿದೆ.
ಏರ್‌ ಇಂಡಿಯಾ ನಷ್ಟದ ತನಿಖೆ ನಡೆಸುತ್ತಿರುವ ಜಾರಿ ನಿರ್ದೇಶನಾಲಯ ಹಲವು ಅಕ್ರಮಗಳನ್ನು ಪತ್ತೆ ಮಾಡಿದ್ದು, ಆಗ ನಾಗರಿಕ ವಿಮಾನಯಾನ ಸಚಿವ ರಾಗಿದ್ದ ಪ್ರಫ‌ುಲ್‌ ಪಟೇಲ್‌ ಅವರ ವಿರುದ್ಧ ಹಲವು ಆರೋಪಗಳನ್ನು ಮಾಡಿದೆ. ಖತಾರ್‌ ಏರ್‌ವೆàಸ್‌, ಎಮಿರೇಟ್ಸ್‌ ಮತ್ತು ಏರ್‌ ಅರೇಬಿ ಯಾಗೆ ಸರಕಾರ ನೆರವು ನೀಡಿದ್ದರಿಂದ ಏರ್‌ ಇಂಡಿಯಾ ನಷ್ಟ ಎದುರಿ ಸುವಂತಾಗಿದೆ ಎಂದು ಜಾರಿ ನಿರ್ದೇಶನಾಲಯ ಹೇಳಿದೆ.

ಪ್ರಫ‌ುಲ್‌ಪಟೇಲ್‌ ಸ್ನೇಹ ಬಳಸಿ ತಲ್ವಾರ್‌ ಈ ಅನುಕೂಲ ಗಳನ್ನು ವಿಮಾನಯಾನ ಸಂಸ್ಥೆಗೆ ಒದಗಿಸಿದ್ದರು ಎಂದು ಇ.ಡಿ. ಆರೋಪಿಸಿದೆ.

ಸದ್ಯ ಪ್ರಫ‌ುಲ್‌ ಪಟೇಲ್‌ ವಿಚಾರಣೆ ನಡೆಸಲಾಗಿದ್ದು, ಪ್ರಕರಣದಲ್ಲಿ ಆರೋಪಿ ಎಂಬುದಾಗಿ ಪರಿಗಣಿಸಿಲ್ಲ.