Maha Kumbh; ಪ್ರಯಾಗ್ ರಾಜ್ ನಲ್ಲಿ ಕಳೆಗಟ್ಟಿದ ಸಂಭ್ರಮ..ಸಕಲ ಸಿದ್ಧತೆ

Team Udayavani, Jan 12, 2025, 9:14 PM IST

ಪ್ರಯಾಗ್ ರಾಜ್ : ಗಂಗಾ, ಯಮುನಾ ಮತ್ತು ಅತೀಂದ್ರಿಯ ಸರಸ್ವತಿ ನದಿಗಳ ಸಂಗಮ ಕ್ಷೇತ್ರವಾದ ಸಂಗಮ ಪ್ರದೇಶದಲ್ಲಿ ‘ಪೌಷ ಪೂರ್ಣಿಮೆ’ಯ ಶುಭ ಸಂದರ್ಭದಲ್ಲಿ ಸೋಮವಾರ (ಜನವರಿ 13), ಪ್ರಾರಂಭವಾಗಲಿರುವ 45 ದಿನಗಳ ಮಹಾಕುಂಭ ಕ್ಕೆ ಪ್ರಯಾಗ್‌ರಾಜ್‌ನಲ್ಲಿ ಸಕಲ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ.

ಮೊದಲ ಪ್ರಮುಖ ಸ್ನಾನದ ಆಚರಣೆ ಶಾಹಿ ಸ್ನಾನಕ್ಕೆ ಒಂದು ದಿನ ಮುಂಚಿತವಾಗಿ ರವಿವಾರ ಸಂಗಮ ಮತ್ತು ಇತರ ಘಾಟ್‌ಗಳಲ್ಲಿ ಭಕ್ತರಿಗಾಗಿ ಮಾಡಿದ ಸಿದ್ಧತೆಗಳನ್ನು ಅಧಿಕಾರಿಗಳು ಪರಿಶೀಲಿಸಿದ್ದಾರೆ.

ಸಂಗಮ ದಡಗಳನ್ನು ಹೊರತುಪಡಿಸಿ, ನದಿಗಳ ಉದ್ದಕ್ಕೂ ಅನೇಕ ಬಟ್ಟೆಗಳನ್ನು ಬದಲಾಯಿಸುವ ಕೋಣೆಗಳನ್ನು ನಿರ್ಮಿಸಲಾಗಿದೆ, ಅಲ್ಲಿ ದೋಣಿ ನಡೆಸುವವರಿಗೆ ಭಕ್ತರಿಗೆ ಲೈಫ್ ಜಾಕೆಟ್ ಗಳನ್ನು ನೀಡಲಾಗಿದೆ. ಭಕ್ತರ ಅನುಕೂಲಕ್ಕಾಗಿ ದೋಣಿ ವಿಹಾರಕ್ಕೆ ದರ ನಿಗದಿಪಡಿಸುವ ಬೋರ್ಡ್ ಕೂಡ ಹಾಕಲಾಗಿದೆ.

ಮುಂದಿನ ಒಂದೂವರೆ ತಿಂಗಳಲ್ಲಿ ‘ಶಾಹಿ ಸ್ನಾನ’ಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಇಲ್ಲಿಗೆ ಆಗಮಿಸುವ ನಿರೀಕ್ಷೆಯಿದೆ ಎಂದು ಸ್ಥಳೀಯ ದೋಣಿ ನಡೆಸುತ್ತಿರುವ ವಿಷ್ಣು ನಿಶಾದ್ ಹರ್ಷ ವ್ಯಕ್ತಪಡಿಸಿದ್ದಾರೆ. ದರವನ್ನು ಹೆಚ್ಚಿಸುವ ಆಡಳಿತದ ನಿರ್ಧಾರದಿಂದಾಗಿ ಎಲ್ಲಾ ದೋಣಿ ಸವಾರರು ಉತ್ಸುಕರಾಗಿದ್ದಾರೆ ಎಂದು ಅವರು ಹೇಳಿದರು.

ಮೊದಲ ಬಾರಿಗೆ, ಭಕ್ತರ ಸುರಕ್ಷತೆಗಾಗಿ ನೀರೊಳಗಿನ ಡ್ರೋನ್ ಅನ್ನು ನಿಯೋಜಿಸಲಾಗಿದೆ, ಇದು ದಿನದ 24 ಗಂಟೆಗಳ ಕಾಲ ನೀರಿನ ಅಡಿಯಲ್ಲಿ ಪ್ರತಿ ಚಟುವಟಿಕೆಯನ್ನು ಮೇಲ್ವಿಚಾರಣೆ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅತಿ ವೇಗದಲ್ಲಿ ಕಾರ್ಯನಿರ್ವಹಿಸುವ ಡ್ರೋನ್ ಕತ್ತಲೆಯಲ್ಲಿಯೂ ಗುರಿಯ ಮೇಲೆ ಕಣ್ಣಿಡುತ್ತದೆ ಮತ್ತು 100 ಮೀಟರ್ ಆಳದವರೆಗೆ ವಿಚಕ್ಷಣ ನಡೆಸುತ್ತದೆ ಎಂದು ಪೊಲೀಸ್ ಮಹಾನಿರೀಕ್ಷಕ ರಾಜೀವ್ ನಾರಾಯಣ ಮಿಶ್ರಾ ಹೇಳಿದ್ದಾರೆ.

ಭಕ್ತರ ಸುರಕ್ಷತೆಗಾಗಿ ಪಿಎಸಿ, ಎನ್‌ಡಿಆರ್‌ಎಫ್ ಮತ್ತು ಎಸ್‌ಡಿಆರ್‌ಎಫ್ ತಂಡಗಳನ್ನು 700 ಫ್ಲ್ಯಾಗ್‌ಡ್ ಬೋಟ್‌ಗಳಲ್ಲಿ ನಿಯೋಜಿಸಲಾಗಿದ್ದು, ರಿಮೋಟ್ ಜೀವರಕ್ಷಕ ದೊಡ್ಡ ಪ್ರಮಾಣದಲ್ಲಿ ಇರಿಸಲಾಗಿದೆ ಎಂದು ಅವರು ಹೇಳಿದರು.

ಈ ಬಾರಿಯ ಪ್ರಮುಖ ‘ಶಾಹಿ ಸ್ನಾನ’ ದಿನಗಳು ಮಕರ ಸಂಕ್ರಾಂತಿ (ಜನವರಿ 14), ಮೌನಿ ಅಮಾವಾಸ್ಯೆ (ಜನವರಿ 29), ಮತ್ತು ಬಸಂತ್ ಪಂಚಮಿ (ಫೆಬ್ರವರಿ 3) ರಂದು ಬರುತ್ತವೆ, ಈ ಪ್ರದೇಶವು ಭಕ್ತರ ಹೆಚ್ಚಿನ ಸಂಖ್ಯೆಯಲ್ಲಿ ಭೇಟಿ ನೀಡುವ ನಿರೀಕ್ಷೆಯಿದೆ.

ವಿಶೇಷವಾಗಿ ಜಾತ್ರೆ ಪ್ರದೇಶದ ಸೆಕ್ಟರ್ 18ರಲ್ಲಿರುವ ಜುನಾ ಅಖಾಡಾದಲ್ಲಿ ನಾಗಾ ಸಾಧುಗಳನ್ನು ಭೇಟಿ ಮಾಡಲು ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಬರುತ್ತಿದ್ದಾರೆ.