ರಾಷ್ಟ್ರಪತಿಗೆ ಸ್ವಾಗತ; ಆದರೆ ಸಂಘದವರಿಗಲ್ಲ:AMU ವಿದ್ಯಾರ್ಥಿ ಸಂಘ

Team Udayavani, Feb 24, 2018, 3:42 PM IST

ಲಕ್ನೋ : ರಾಷ್ಟ್ರಪತಿ ರಾಮ ನಾಥ್‌ ಕೋವಿಂದ್‌ ಅವರು ಮಾರ್ಚ್‌ 7ರಂದು ಆಲಿಗಢ ಮುಸ್ಲಿಂ ವಿಶ್ವವಿದ್ಯಾಲಯದ ಘಟಿಕೋತ್ಸವದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಆದರೆ ಈಗಲೇ ಆ ಬಗ್ಗೆ ವಿವಾದವೊಂದು ಹುಟ್ಟಿಕೊಂಡಿದೆ.

“ರಾಷ್ಟ್ರಪತಿಯವರಿಗೆ ಸ್ವಾಗತವಿದೆ; ಆದರೆ ಸಂಘ-ಮನೋಭಾವದ ಯಾವುದೇ ವ್ಯಕ್ತಿಗೆ ಪ್ರವೇಶವಿಲ್ಲ’ ಎಂದು ಎಎಂಯು ವಿದ್ಯಾರ್ಥಿ ಸಂಘ ಹೇಳಿರುವುದಾಗಿ ವರದಿಯಾಗಿದೆ.

“ನಾವು ರಾಷ್ಟ್ರಪತಿಗಳನ್ನು ವಿರೋಧಿಸುವುದಿಲ್ಲ; ಆದರೆ ಸಂಘ-ಮನೋಭಾವದವರನ್ನು ವಿರೋಧಿಸುತ್ತೇವೆ. 2010ರಲ್ಲಿ ರಾಷ್ಟ್ರಪತಿಗಳು “ಮುಸ್ಲಿಮರು ಮತ್ತು ಕ್ರೈಸ್ತರು ಹೊರಗಿನವರು; ಇಂದಿಗೂ ನಮ್ಮನ್ನಿದು ಕಾಡುತ್ತಿದೆ’ ಎಂದು ಹೇಳಿದ್ದರು. ಅವರು ಹಾಗೆ ಹೇಳಿದ ಹೊರತಾಗಿಯೂ ನಾವು ಅವರನ್ನು ಸ್ವಾಗತಿಸುತ್ತೇವೆ’ ಎಂದು ಎಎಂಯು ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಹೇಳಿರುವುದನ್ನು ಉಲ್ಲೇಖೀಸಿ ಎಎನ್‌ಐ ವರದಿ ಮಾಡಿದೆ.